پاکستان شوبز انڈسٹری کے نامور اداکار حمزہ علی عباسی کی اہلیہ و سابق اداکارہ و ماڈل نیمل خاور کی حالیہ ویڈیو مداحوں کو بھا گئی۔

نیمل خاور نے انسٹاگرام پر اپنی ایک دلکش ویڈیو پوسٹ کی ، جس میں  انہیں خوشگوار موڈ میں دیکھا جاسکتا ہے لیکن اہم بات بیک گراؤنڈ میں بجنے والا گانا ہے۔

رنبیر کپور کی فلم ‘اینیمل’ کے بخارمیں پاکستانی اداکار بھی مبتلا ہو گئے ہیں ، اس وائرل ویڈیو میں اداکارہ نیمل خاور نے بھی اس فلم کے  گانے ‘جمال جمالو’ کا ہی انتخاب کیا ۔

اس سے قبل اداکارہ  کنزہ ہاشمی کی ایک رقص کرتے ویڈیو بھی سوشل میڈیا پر کافی وائرل ہوئی،  جس میں دیکھا جا سکتا ہےکہ وہ بھی اسی گانے پر بوبی دیول کا انداز اپنائے جھوم رہی ہیں۔

 اس وائرل ویڈیو میں اداکارہ کنزہ ہاشمی کو صبور علی کے ہمراہ فلم ‘انیمل’ کے گانے ‘جمال جمالو’ پر بوبی دیول کی ہو بہو نقل کرتے ہوئے رقص کرتے دیکھا جا سکتا ہے۔

اداکارہ کی مذکورہ ویڈیو کو سوشل میڈیا صارفین کی جانب سے پسند کیا جا رہا ہے