نامور سوشل میڈیا اسٹار کین ڈول کی زندگی کی بڑی خواہش پوری ہو گئی ہے۔

ٹک ٹاکر اور سوشل میڈیا اسٹار عدنان ظفر جنہیں کین ڈول کے نام سے جانا جاتا ہے وہ پاکستان کی ایک بے انتہا شہرت اور  اثر و رسوخ رکھنے والی شخصیت ہیں۔

فیصل آباد سے تعلق رکھنے والے کین ڈول دبئی میں رہتے ہیں تاہم وہ پاکستان آتے رہتے ہیں۔

عدنان ظفر بہترین حس مزاح رکھتے ہیں، وہ بہت ہی ملنسار اور سادہ طبیعت کے مالک ہیں، لوگ ان کے انداز ، ان کے حس مزاح اور دل سے دیسی ہونے کی وجہ سے بے حد محبت کرتے ہیں۔

کین ڈول  تخلیقی صلاحیتوں کے مالک ہیں اور اپنی ہر ویڈیو کو الگ انداز سے بناتے ہیں، جس میں تفریح کے ساتھ صارفین کے لئے ایک پیغام بھی ہوتا ہے۔

 یہی وجہ ہے کہ انہیں پاکستان سمیت دنیا بھر میں لاکھوں لوگ پسند کرتے ہیں،وہ پاکستان کے پہلے کین ڈول ہیں اور مداح ان کے کام اور ان کے تخلیق کردہ مواد کو بے حد سراہتے ہیں۔

عدنان ظفر ( کین ڈول) نے انسٹاگرام پر ایک یادگار ویڈیو پوسٹ کی ہے ، جس میں دیکھا جا سکتا ہے کہ وہ اپنے گھر کی دیوار پر غلافِ کعبہ لگارہے ہیں۔

ویڈیو کے ساتھ ہی انہوں نے اپنی عمرہ کی جھلکیاں شیئر کرتے ہوئے لکھا کہ ’میری ہمیشہ سے خواہش رہی ہے کہ میں کم از کم اپنے پاس کعبے کا ایک دھاگا ہی رکھ لوں لیکن اللہ نے مجھے کسوہ کا پورا ٹکڑا نواز دیا‘۔

جاری کردہ ویڈیو میں دیکھا جاسکتا ہے کہ کین ڈول اپنی فیملی کے ہمراہ کسوہ کو دیوار میں نصب کر رہے ہیں اور اس دوران وہ اپنے جذبات پر بھی قابو نہ رکھ سکے اور ان کی آنکھیں نم ہو گئیں ۔

کین ڈول کو یہ کسوہ ان کے ایک دوست کی جانب سے بطور تحفہ پیش کیا گیا ہے۔

کین ڈول نے رواں برس کے آغاز پر عمرے کی سعادت حاصل کی اور ان خوبصورت لمحات کی کچھ تصاویر بھی اپنے مداحوں کے ساتھ شیئر کیں۔

اگر