جادوئی کردار پر مبنی پہلی پاکستانی فلم ’ عمر و عیار‘ کی ریلیز کا اعلان کردیا گیا ہے، جس کا مداحوں کو بے صبری سے انتظار ہے۔

سوشل میڈیا رپورٹس کے مطابق فلم عمرو عیار اگلے سال عید الاضحیٰ  کے موقع پر دنیا بھر کے سینما گھروں میں ریلیز کی جائے گی۔

عمر وعیار کے جادوئی کردار کو پہلی بار بڑے پردے کی دیکھایا جائے گا جبکہ اس کردار پر مبنی فلم کا پوسٹر ٹیزر بھی جاری کیا گیا ہے۔

 اظفر جعفری کی ہدایت کاری میں بننے والی اس فلم  میں عثمان مختار، صنم سعید اور ہالی وڈ امریکی نژاد پاکستانی اداکار فاران طاہر مرکزی کرداروں میں جلوہ گر ہوں گے۔

ان  کے علاوہ علی قاضی، عدنان صدیقی، سیمی راحیل، ثنا فخر، منظر صہبائی، دانیال راحیل اور سلمان شوکت سمیت دیگر اداکار بھی شامل ہیں۔

’عمرو عیار‘ کے کردار کو متعدد ڈراموں اور فلموں میں پیش کیا جا چکا ہے، تاہم پہلا موقع ہے کہ اسی کردار پر پاکستانی فلم بنائی جا رہی ہے

فلم کی مرکزی کہانی ایک ہزار سال پرانے جادوئی کردار کے گرد گھومتی ہے، تاہم فی الحال کہانی کی مزید تفصیلات نہیں بتائی جا سکتیں۔

۔