پاکستان شوبز انڈسٹری کی نامور اداکارہ اشنا شاہ اب کسی تعریف کی محتاج نہیں،اپنی عمدہ فنکارانہ صلاحیتوں کے بلبوتے پر انہوں نے نہایت کم عرصے میں اپنا نام بنایا ہے۔

انہوں نے ہٹ ڈراموں جیسے حبس، بشر مومن، بلا، لشکر، اور الف اللہ اور انسان میں جلوہ گر ہو کر خوب داد سمیٹی ۔

رواں سال فروری میں اشنا شاہ نے حمزہ امین سے شادی کی، جوکہ آسٹریا سے تعلق رکھنے والے پاکستانی نژاد گالف کے نامور کھلاڑی ہیں۔

اشنا شاہ نے حال ہی میں ایک شو میں شرکت کی جہاں انہوں مختلف موضوعات پر کھل کر اظہار خیال کیا۔

اداکارہ نے اس انٹرویو کے دوران شکوہ کرتے ہوئے بتایاکہ جب وہ انگریزی زبان بولتی ہیں تو لوگ کہتے ہیں کہ وہ پریانکا چوپڑا بننے کی کوشش کر رہی ہیں۔

انہوں نے بتایاکہ وہ کینیڈا میں پلی بڑھی ہیں، اس لیے ان کے انگریزی بولنے میں وہاں کا انداز زیادہ ہے۔

اشنا شاہ نے کہاکہ اب انہوں نے اپنا انداز و لہجہ بہتر کیا ہے، پہلے ان کے بولنے کے انداز میں کینیڈین اسٹائل زیادہ ہوتا تھالیکن اس باوجود وہ جب بیرون ملک ہوتی ہیں تو انگریزی میں زیادہ بات کرتی ہیں تو ان کا انداز کینیڈین بن جاتا ہے۔

اس کے علاوہ انہوں نے اس بات کا شکوہ بھی کیا کہ وہ جب بھی کینیڈین انداز میں بولتی ہیں تو لوگ سوشل میڈیا پر کمنٹس کرکے ان کا مذاق اڑاتے ہیں ، انہیں طعنے دئیے جاتے ہیں کہ وہ بالی ووڈ اداکارہ پریانکا چوپڑا بننے کی کوشش کر رہی ہیں۔

اداکارہ نے کہاکہ انہوں نے پریانکا چوپڑا کو اتنا زیادہ بولتے ہوئے نہیں دیکھا، اس لیے انہیں اس بات کا احساس نہیں کہ وہ کس طرح بولتی ہیں لیکن انہیں طعنے دیے جاتے ہیں کہ وہ بھارتی اداکارہ بننے کی کوشش کر رہی ہیں۔

اس موقع پر انہوں نے یہ بھی کہاکہ سوشل میڈیا پر عورتیں بڑی ڈھیٹ ہوتی ہیں، جب سے ان کی شادی ہوئی ہے اور ان کے شوہر منظر عام پر آئے ہیں تب سے عورتیں ان کے شوہر سے رابطہ میں گریز کرنے بجائے پہلے سے زیادہ بے شرمی کا مظاہرہ کررہی ہیں۔

اشنا شاہ نے کہا کہ سوشل میڈیا پر عورتیں بہانے بہانے سے میرے شوہر کو پیغامات بھیجتی رہتی ہیں اور دلچسپ بات یہ ہے میری مداح ہونے کا دعویٰ بھی کرتی ہیں۔

یہ بھی پڑھیں: اشنا شاہ کی ’سورۃ البقرہ‘ پڑھنے کی گزارش

انہوں نے بتایاکہ عورتیں میرے شوہر سے رابطہ یہ جانتے ہوئے کرتی ہیں کہ وہ شادی شدہ ہیں تاہم ان کے شوہر حمزہ انہں موصول ہونے والے تمام پیغامات دکھاتے رہتے ہیں جس پر انہیں انتہائی حیرت ہوتی ہے کہ خواتین ایسا کیسے کرسکتی ہیں۔