اسلام کی خاطر شوبزانڈسٹری کو خیر باد کہنے والی سابق اداکارہ، ماڈل اور گلوکارہ  رابی پیرزادہ نے اپنی شادی کے حوالے سے گردش کرنے والی خبروں پر خاموشی توڑ دی۔

حال ہی میں رابی پیرزادہ نے سوشل میڈیا کی سائٹ ایکس پر اپنی چند تصاویر پوسٹ کی ہیں ، جن میں انہیں ایک دلہن کے روپ میں دیکھا جا سکتا ہے۔

صرف یہی نہیں بلکہ ان تصاویر کے ساتھ انہوں نے کیپشن میں اللہ کا شکر ادا کرتے ہوئے لکھا کہ’ جب ٹوٹا ہوا دل جُڑ جاتا ہے تو وہ کسی بھی چیز سے زیادہ مضبوط ہو جاتا ہے‘۔

جب ٹوٹا ہوا دل جڑ جاتا ہے تو وہ کسی بھی چیز سے زیادہ مضبوط ہو جاتا ہے۔

Advertisement

When a broken heart heals, it becomes stronger than anything#AUSvsPAK #rabipirzada #weddingseason pic.twitter.com/TdtE89OieW

— Rabi Pirzada (@Rabipirzada) January 6, 2024

Alhamdulillah pic.twitter.com/ScHE4zEFWW

— Rabi Pirzada (@Rabipirzada) January 6, 2024

انہوں نے خود شادی کی تصدیق یا انکار نہیں کیا لیکن ان تصاویر کے سامنے آتے ہی سوشل میڈیا  صارفین کی جانب سے رابی پیرزادہ کی شادی کی افواہوں نے زور پکڑ لیا ہے اور مبارکبادوں کا سلسلہ بھی جاری ہے۔

رابی پیرزادہ نے حقیقت بتادی

رابی پیرزادہ نے ان تمام افواہوں کا جواب دیتے ہوئے انسٹاگرام پر ایک پیغام جاری کرتے ہوئے لکھا کہ مذکورہ تصاویر ان کی اپنی شادی کی نہیں ہیں، بلکہ یہ ایک بہادر اکیلی ماں کی بیٹی کی شادی کی ہیں جسے نجی کمپنی نے اسپانسر کیا ہے اور یہ جوڑا بھی اسی کمپنی کی جانب سے دیا گیا ہے، سپانسر کیے گئے پیسوں سے کسی ضرورت مند بیٹی کی شادی کے اخراجات برداشت کریں گے۔

یہاں یہ بات بھی قابل ذکر ہےکہ اس سے قبل انہوں نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر ایک تصویر پوسٹ کی تھی جس میں انہوں نے کسی مرد کا ہاتھ تھاما ہوا ہے۔

تصویر میں رابی پیرزادہ اور اُس شخص کا چہرہ نظر نہیں آرہا ہے لیکن دونوں گاڑی میں بیٹھے ہیں۔

یہ بھی پڑھیں: لڑکیوں کی ڈانس ویڈیوز وائرل کرنے پر رابی پیرزادہ کا ردِ عمل

تصویر کے ساتھ اُنہوں نے چند اشعار بھی لکھے کہ “تھاما جو ہاتھ تم نے دنیا کا ڈر کہاں، رشتوں کی بندشوں کا ویسا اثر کہاں، چھوڑے تو جا رہی ہوں دنیا کو سب سے پیچھے، منزل تو مل ہی جائے، جانا مگر کہاں”۔

رابی پیرزادہ نے تصویر میں موجود شخص کے حوالے سے کچھ واضح نہیں کیا تاہم صارفین نے اُنہیں مبارکباد اور نیک خواہشات کے پیغامات بھیجنا شروع کردیے ہیں۔

واضح رہے کہ رابی پیرازادہ ماضی میں گلوکارہ، اداکارہ، ماڈل اور بطورِ آرٹسٹ شوبز انڈسٹری میں کام کر چکی ہیں تاہم مذہب کے خاطر شوبز سے کنارہ کشی اختیار کرنے کے بعد اب وہ فلاحی ادارہ چلا رہی ہیں۔