پاکستان شوبز انڈسٹری کی نامور اداکارہ ماورا حسین آج کل بالی میں ہیں اور وہاں خوب سیروتفریح سے محظوظ ہو رہی ہیں۔

ماورا حسین پاکستان شوبز انڈسٹری کی ایک نامور اداکارہ ہیں، جنہوں نے بہت کم وقت میں اپنی عمدہ اداکاری سے خوب نام کمایا ہے۔

ماورا حسین نے اپنے کیریئر کا آغاز نہایت کم عمری میں کیا اور اپنی بہترین اداکاری سے اپنے آپ کو منوایا، انہوں نے نا صرف پاکستان بلکہ بالی ووڈ میں بھی اپنی اداکاری کے جوہر دکھائے۔

وہ ایک بزنس وومن کی حیثیت سے بھی اپنا کاروبار چلا رہی ہیں تاہم اب وہ ڈراموں میں ایسے پروجیکٹس کا انتخاب کرتی ہیں جن میں کوئی سبق موجود ہو۔

فوٹو اور ویڈیو شیئرنگ ایپ انسٹاگرام پر اداکارہ  نے اپنے بالی  ٹرپ کی نئی تصاویر اور ویڈیوز مداحوں کیلئے پوسٹ کیں ، جنہیں بے حد پسند کیا جا رہا ہے۔

 اس پوسٹ پر سوشل میڈیا صارفین کی جانب سے ملے جلے تبصروں اور ردعمل کا اظہار کیا جا رہا ہے۔

ماورا حسین کی تازہ ترین انسٹا گرام پوسٹ نے ان کے مداحوں کو ایک کشمکش میں مبتلا کر دیا ہے، جس میں وہ مایوں کی دلہن کے روپ میں نظر آ رہی ہیں۔

اداکارہ نے اس پوسٹ کے کیپشن میں لکھا کہ ‘ اور آغاز ہوا جاتا ہے’ اور اس ساتھ ہی ‘انگوٹھی’ کا ایموجی بھی بنایا۔

بات یہاں ختم نہیں ہوئی بلکہ انہوں نے ہیش ٹیگ ‘رہا نہیں گیا’ بھی لکھ کر مداحوں کو الجھن میں ڈال دیا۔

اس پوسٹ کو دیکھنے کے بعد سوشل میڈیا صارفین کی اکثریت انہیں شادی کی مبارکباد دے رہی ہیں۔

یہاں یہ بات بھی قابل ذکر ہے کہ ماورا حسین نے ابھی تک خود شادی کا باقاعدہ اعلان نہیں کیا ہے۔

اس پوسٹ کے کمنٹ سیکشن میں مداح انہیں ان کے ساتھی اداکار اور قریبی دوست امیر گیلانی سے شادی کی مبارکباد دیتے نظر آرہے ہیں۔