پاکستان شوبز انڈسٹری کی خوبصورت اداکارہ حنا الطاف کی ان کے شوہر اور نامور اداکار آغا علی سے علیحدگی کی خبریں سوشل میڈیا پر زیر گردش ہیں۔

یہ افواہیں اس وقت انٹر نیٹ پر تیزی سے پھیلی جب اس جوڑی نے اپنے انسٹا گرام اکاؤنٹس سے ایک دوسرے کے ہمراہ اپ لوڈ کی گئی تمام تصویریں اور ویڈیوز ہٹا دی۔

سال 2020 میں سادہ سی تقریب میں شادی کے بندھن میں بندھنے والے اس جوڑے کے درمیان علیحدگی کی خبریں گزشتہ برس سے ہیں تاہم انہوں نے اپریل 2022 میں ایسی خبروں کو مسترد کردیا تھا۔

یہاں یہ بات بھی قابل ذکر ہے کہ چند ماہ قبل حنا الطاف نے بھی انسٹا ہینڈل سے اپنا نام ’حنا آغا‘ سے تبدیل کرکے ’حنا الطاف‘ کردیا تھا۔

حال ہی میں آغا علی نے حنا الطاف کے ساتھ اپنی شادی کی تصاویر سوشل میڈیا سے ہٹا کر ان کی طلاق کی قیاس آرائیوں کو ہوا دی ہے۔

حالیہ دنوں میں ان کی ازدواجی زندگی میں اتار چڑھاؤ دیکھنے میں آیا ہے جس کے باعث مسلسل علیحدگی کی افواہیں گردش کر رہی ہیں۔

آغا علی نے گزشتہ ماہ یورپی ملک یونان کے سیر سپاٹوں کی تنہا تصاویر شیئر کیں تو لوگوں نے کمنٹس کے ذریعے ان سے اہلیہ حنا الطاف کا پوچھنا شروع کیا اور بعض افراد نے دعویٰ کیا کہ ان کے درمیان علیحدگی ہوچکی ہے۔

تاہم دونوں کی جانب سے اس حوالے سے کوئی تصدیق یا تردید سامنے نہیں آئی تھی۔