خاموشی سے شادی کے بندھن میں بندھنے والی نامور قانون دان اور انسانی حقوق کی کارکن ایمان مزاری کے ولیمے کی شاندار تقریب کی تصاویر اور ویڈیو کافی وائرل ہو گئی ہیں۔

گزشتہ روز ملتان میں ولیمے کی تقریب کا انعقاد کیا گیا ، جس میں ایمان مزاری نے آتشی رنگ کا عروسی جوڑا پہنا جبکہ دلہاعبدالہادی نے تقریب کی مناسبت سے تھری پیس سوٹ زیب تن کیا۔

 ایمان مزاری کے شوہر عبدالہادی بھی انسانی حقوق کے وکیل،ایگزیکٹو ڈائریکٹر اور فیئر ٹرائل ڈیفینڈرز کے بانی ہیں ۔

ویڈیو دیکھیں:

حال ہی میں سابق سیاستدان شیری مزاری کی بیٹی ایمان مزاری نے اپنے سوشل میڈیا اکاؤنٹ پر شادی کی ایک خوبصورت تصویر شیئر کرکے اپنی شادی کا اعلان کیا۔

❤️ pic.twitter.com/1MBwJNHmEX

— Imaan Zainab Mazari-Hazir (@ImaanZHazir) December 28, 2023

اس تصویر کے ساتھ ایمان مزاری نے کیپشن میں انگوٹھی اور دل والا ایموجی بھی شامل کیا جو کہ اس بات کا ثبوت ہے کہ وہ اپنی زندگی کے نئے سفر کا آغاز کرچکی ہیں۔

یہ بھی پڑھیں: ایمان مزاری رشتہ ازدواج میں منسلک

دوسری جانب انسانی حقوق کے وکیل عبدالہادی نے بھی اپنے سوشل اکاؤنٹ پر ایمان مزاری کی پوسٹ شیئر کی اور کیپشن میں شادی کی تصدیق بھی کی۔

Got married to the love of my life ❤️ Always and forever ♾️ https://www.bolnews.com/urdu/entertainment/2024/01/280588/amp/

— Abdul Hadi (@HadiAli115) December 28, 2023

ایمان مزاری کی خاموشی سے شادی اور پھر اچانک سوشل میڈیا پر شادی کی تصویر کے ساتھ اعلان پر حیرت میں مبتلا نامور سماجی کارکن و گلوکار شہزاد رائے نے بھی تبصرہ کیا جوکہ کافی وائرل ہوا۔

 شہزاد رائے نے ایمان مزاری کی شادی کی تصویر کو ری پوسٹ کرکے اس جوڑے کو  شادی کی مبارکباد دیتے ہوئے مزاحیہ انداز اپنا کر لکھا کہ ’جب دو کارکنوں کی شادی ہوجائے تو تیزی سے سرگرمیوں کی ضمانت دی جاسکتی ہے‘۔

Congratulations . When two activists get married, activities are guaranteed. https://www.bolnews.com/urdu/entertainment/2024/01/280588/amp/

— Shehzad Roy (@ShehzadRoy) December 29, 2023