بالی ووڈ کی نامور پر کشش اداکارہ رشمیکا مندانا فلم اینیمل میں رنبیر کپور کے بعد اب کن  سپر اسٹارز کے ساتھ کام کرنے کی خواہشمند ہیں ، اس حوالے سے بتادیا۔

رشمیکا مندانا نے بلاک بسٹر فلم ’پشپا‘، ’گیتھا گووندم‘ اور کئی فلموں میں اپنی اداکاری سے مداحوں کو متاثر کیا۔

  سال 2023 میں سینما گھروں میں ریلیز ہونے والی بلاک بسٹر فلم ’اینیمل‘ میں بھی رشمیکا مندانا ، رنبیر کپور کے ساتھ مرکزی کردار میں نظر آئیں اور ان دونوں کی کیمسٹری کو شائقین نے بے حد پسند کیا۔

اپنے حالیہ انٹرویو میں بات کرتے ہوئے رشمیکا مندانا نے کہاکہ وہ مستقبل میں شاہ رخ، سلمان خان، کریتک روشن، جونیئر این ٹی آر اور رام چرن کے ساتھ اداکاری کرنا چاہیں گی۔

اپنی حالیہ بلاک بسٹر فلم اینیمل کے حوالے سے بات کرتے ہوئے انہوں نے بتایا کہ  ’رنبیر کپور کو تھپڑ مارنے والے سین کو عکسبند کرنے کے بعد وہ پھوٹ پھوٹ کر روئیں تھی’۔

اداکارہ نے بتایا کہ،’ہدایت کار سندیپ ریڈی وانگا نے انہیں صرف یہ محسوس کرنے کے لیے کہا کہ اگر ایسی صورتِ حال ہو تو محسوس کرو کہ وہ شخص کیسا ہوگا۔؟

انہوں نے بتایا کہ،’اس لمحے میرا دماغ بالکل خالی ہوگیا تھا،اگر کچھ یاد ہے توبس سین کا آغاز اور اختتام۔’

رشمیکا منانا نے بتایا کہ،’اس لمحے وہ اتنا کھو گئی تھی کہ انہیں  یہ بھی محسوس نہیں ہورہا تھا کہ وہ کیا کرنے جا رہی ہوں، تاہم جب انہوں نے رنبیر کپور کو تھپڑ مارا اس کے بعد وہ بے حد روئیں ۔