ہمایوں سعید پاکستان کے سب سے بڑے اسٹار ہیں، وہ ڈراموں اور فلموں میں سب سے زیادہ پسند کیے جانے والے لیڈنگ مین ہیں اور ان کا شمار پاکستان کے ٹاپ پروڈیوسرز میں بھی ہوتا ہے۔

حال ہی میں اداکار نے ایک شو میں شرکت کی جہاں انہوں نے اپنی پہلی محبت اور کیریئر کے متعلق اہم انکشاف کئے ہیں۔

اداکار نے اپنی پہلی محبت کے متعلق بات کرتے ہوئے بتایا کہ انہیں کم عمری میں ایک لڑکی سے یک طرفہ محبت ہوئی تھی جو بعد میں دو طرفہ ہوگئی تھیں لیکن ہماری محبت کے باوجود اس لڑکی نے انہیں دھوکہ دیا۔

اس حوالے سے مزید بات کرتے ہوئے ہمایوں سعید نے بتایا کہ انہیں جس لڑکی سے محبت تھی اس سے وہ ڈرائیونگ سیکھتے تھے وہ دونوں اکثر گاڑی پر ساحل سمندر بھی جایا کرتے تھے ۔

انہوں نے بتایا کہ ایک دن اس لڑکی نے ان سے کہا کہ وہ کسی اور سے محبت کرتی ہے جس پر ہمایوں سعید کو بہت افسوس ہوا تھا اور وہ اس غم میں ایک سال تک روتے رہے تھے۔

اس کے علاوہ ہمایوں سعید نے بتایا کہ پاکستانی اداکارہ ماہ نور بلوچ ان کا کرش تھیں لیکن اب کوئی ان کا کرش نہیں ہے۔

  دوسری جانب اپنے کامیاب کیریئر کے متعلق بات کرتے ہوئے اداکار نے بتایا کہ انہوں نے 90 کی دہائی میں کام کرنا شروع کیا اور جس کے ارد گرد کام کیا وہ سب ان سے متاثر ہوئے۔ بہت سے رائٹرز انہیں کہتے تھے کہ وہ اس کے ساتھ اپنے ذہن میں سکرپٹ لکھ رہے ہیں۔ اس طرح انہیں اچھے اسکرپٹس ملتے رہتے ہیں۔

انہوں نے کہا کہ وہ شکر گزار ہیں کہ انہیں ہمیشہ اچھی پراجیکٹس ملتے ہیں اور اسی وجہ سے ان کے تمام پراجیکٹس ہٹ ہو جاتے ہیں۔