بھارتی پنجابی سنیما کی مقبول ترین اداکارہ سونم باجوہ نے ایک بار پھر پاکستانیوں کو خوش کردیا۔

سونم باجوہ کا شمار بھارتی انڈسٹری کی سب سے زیادہ ورسٹائل اداکاروں میں کیا جاتا ہے ، جن کا فیشن سینس اور لباس ہمیشہ توجہ حاصل کرنے میں کامیاب ہوجاتا ہے۔

انسٹاگرام پر 12.8 ملین فالوورز کے ساتھ سونم باجوہ نے حال ہی میں سوشل میڈیا پر اپنے تازہ ترین فوٹو شوٹ کی تصاویر پوسٹ کیں ، جس میں دیکھا جا سکتا ہےکہ انہوں نے پاکستانی فیشن ڈیزائنرمریم حسین کا تیار کردہ سیاہ لباس پہنا ہوا ہے ۔

اس پوسٹ کے کیپشن میں بھارتی اداکارہ نے لکھا کہ ’اس کالے جوڑے نے میرا دل لے لیا‘۔

اس انتہائی دلکش “کالے جوڑے ” میں وہ حیرت انگیز طور پر خوبصورت لگ رہی ہیں ۔

صارفین کا ردعمل:

بھارتی اداکارہ کی اس پوسٹ پر سوشل میڈیا صارفین کی جانب سے ملے جلے تبصروں اورمحبت کا اظہار کیا جا رہا ہے۔

اس سے قبل بالی وڈ کی اداکارہ تارا ستاریہ نے بھی پاکستانی ڈیزائنر فراز منان کے تیار کردہ لباس میں فوٹو شوٹ کرواکر سب سے داد سمیٹی۔

گزشتہ سال اداکارہ  تارا ستاریہ نے اپنی سالگرہ کی پارٹی میں پاکستانی ڈیزائنر فراز منان کا تیار کر دہ لباس پہن کر محفل کو چارچاند لگا دئیے۔

تارا ستاریہ ایک اسٹائلش اداکارہ ہیں جو آئے دن کئی انداز، لباس اور اسٹائل اپناتے ہوئے سب کی توجہ کا مرکز بن جا تی ہیں۔

پاکستانی ڈیزائنر فراز منان سرحد پار بالی ووڈ اداکاروں کے لیے کوئی انجان نام نہیں ہیں ، اس سے قبل سپراسٹار شاہ رخ خان، فلمساز کرن جوہر، کرشمہ کپور، دیپیکا پڈوکون، ورون دھون، جھانوی کپور، ملائیکہ اروڑا، کرینہ کپور خان سمیت کئی بڑے نامور اداکار بھی ان کے ڈیزائن کیے ہوئے کپڑے پہن چکے ہیں۔

تارا ستاریہ اپنے انوکھے اسٹائل سے توجہ کا مرکز بن گئی