بھارتی نامور اداکارہ انکیتا لوکھنڈے نے مقبول ترین رئیلٹی شو بگ باس 17 میں اپنے شوہر کو مارنے کے بعد سسرالیوں سے معافی مانگ لی۔

اداکارہ انکیتا لوکھنڈے کی ساس بگ باس کے گھر بطور مہمان آئیں ، انہوں نے کہاکہ ان کے شوہر نے اس واقعے کے بعد انکیتا کی ماں کو اس رویے سے متعلق فون کیا ہے۔

یہ بات سننے کے بعد انکیتا لوکھنڈے صدمے کی سی کیفیت میں چلی گئیں، بعدازاں اداکارہ نے ہاتھ جوڑ کر وکی کے والدین سے معافی مانگی۔

اداکارہ نے اپنی ساس سے کہاکہ مما آپ میرے ساتھ اتنا رہی نہیں اسی لیے آپ کو نہیں معلوم کہ میں اور وکی کیسے رہتے ہیں، ہماری مستی چلتی رہتی ہے اور میں نے غصے میں نہیں مارا تھا وکی کو’۔

شو میں انکیتا لوکھنڈے نے سب کے سامنے ہاتھ جوڑتے ہوئے کہا کہ ‘پاپا، آپ کو اور گھر والوں کو میں ہاتھ جوڑ کر سوری کہتی ہوں’۔

واضح رہے کہ انکیتا لوکھنڈے نے  بزنس مین وکی جین سے سال 2021 میں شادی کی تھی، دونوں اس سال اکتوبر میں بگ باس 17 کے گھر میں ایک ساتھ داخل ہوئے۔