سنجے لیلا بھنسالی نے رنبیر کپور، عالیہ بھٹ اور وکی کوشل کے ساتھ اپنی اگلی فلم ’لو اینڈ وار‘ کی شاندار کاسٹ کا اعلان کیا ہے جو کہ سال 2025 میں کرسمس کے موقع پر ریلیز ہوگی۔

غیر ملکی خبر رساں ادارے کی رپورٹ کے مطابق معرووف ہدایت کار سنجے لیلا بھنسالی جنہوں نے انڈسٹری کو بہترین اور بلاک بسٹر فلمیں دی ہیں، نے اپنی اگلی فلم کا اعلان کردیا ہے۔

اس اعلان کے ساتھ ہی ہدایت کار کی جانب سے فلم کی کاسٹنگ کے متعلق بھی اعلان کردیا گیا ہے جس میں بالی ووڈ سپر اسٹار رنبیر کپور، اداکارہ عالیہ بھٹ اور اداکار وکی کوشل شامل ہیں، جو کہ پہلی بار اسکرین پر ایک ساتھ جلوہ گر ہونگے۔

اس حوالے سے تینوں اداکاروں نے اپنے سوشل میڈیا پر بھی پوسٹ شیئر کی ہے جس پر ان کے مداحوں نے انہیں خوب سراہا ہے اور نئے پراجیکٹ کے لئے نیک خواہشات کا اظہار کیا ہے۔

یہ رنبیر اور عالیہ کی ہدایت کار کے ساتھ بالترتیب ‘ساوریہ’ اور ‘گنگوبائی کاٹھیاواڑی’ کے بعد دوسری اور وکی کے ساتھ پہلی فلم ہوگی۔

خیال رہے کہ 2007 میں ریلیز ہونے والی ساوریا نے رنبیر کپور کو بالی ووڈ میں متعارف کرایا، اور اب تقریباً 17 سال بعد دوبارہ ایک ساتھ کام کرتےہوتے نظر آئیں گے۔

یہ فلم 2025 کے کرسمس پر سینما گھروں میں ریلیز کی جائے گی۔