بھارت کی نامور ٹی وی اداکارہ اور سوشل میڈیا انفلوئینسر جنت زبیر نے اپنا دوسرا عمرہ ادا کرلیا۔

چھوٹے پردے کی مشہور اداکارہ اور مقبول ترین ٹک ٹاکر جنت زبیر کسی تعریف کی محتاج نہیں، سوشل میڈیا پر بھی وہ کافی سرگرم رہتی ہیں۔

عمرے پر جنت زبیر کے ہمراہ ان کے والدین اور چھوٹے بھائی ایان زبیر بھی تھے، انہوں نے فیملی کے ساتھ بیت اللّٰہ شریف سے اپنی تصاویر سوشل میڈیا پر شیئر کیں۔

جنت زبیر نے انسٹاگرام پوسٹ کے کیپشن میں لکھا کہ اسلام وعلیکم ، مدینہ چلیں۔

 اداکارہ نے مسجد نبویﷺ سے بھی اپنی تصاویر اور ویڈیوز شیئر کی ہیں ، اس سے قبل سال 2022 میں انہوں نے اپنا پہلا عمرہ اداکیا تھا۔