ریلیز سے چند روز قبل بھارت کی انتہائی متوقع فلم ’فائٹر‘ کو بڑی مشکلات کا سامنا کرنا پڑ رہا ہے۔

غیر ملکی خبر رساں ادارے کی رپورٹ کے مطابق فائٹر کی ریلیز سے صرف چند دن دور ہے۔ سدھارتھ آنند کی ہدایت کاری میں بننے والی اس فلم میں ہریتک روشن، دیپیکا پڈوکون اور انیل کپور سمیت دیگر اداکار شامل ہیں۔ یہ فلم 25 جنوری 2024 کو سینما گھروں میں ریلیز ہونے والی ہے۔

رپورٹ میں بتایا گیا ہے کہ فلم کی ریلیز سے پہلے، سی بی ایف سی (سینٹرل بورڈ آف فلم سرٹیفیکیشن) کی جانب سے فلم میں چار ترمیم کرنے کی ہدایات جاری کی گئیں ہیں۔

سنسر بورڈ کی جانب سے کی گئی ہدایات میں تمباکو نوشی کے پیغام کا ہندی میں ذکر کرنے ، گالی کو خاموش یا تبدیل کرنے اور ہریتک روشن اور دیپیکا کے غیر مناسب اور بولڈ سینز کو تبدیل کرنا شامل ہے۔

ان تبدیلیوں کی تجاویز کے بعد  19 جنوری کو فلم کے لئے سنسر سرٹیفکیٹ جاری کیا گیا ہے میں بتایا گیا ہے کہ  فلم کا دورانیہ 2 گھنٹے اور 46 منٹ ہے۔

خیال رہے کہ فائٹر 25 جنوری کو دنیا بھر کے سینما گھروں میں ریلیز ہو گی۔