پی ایس ایل 9 کے ترانے کے حوالے سے نامور گلوکار علی ظفر نے عوام سے رائے مانگ لی۔

گزشتہ روز پاکستان سپر لیگ (پی ایس ایل) کے نویں ایڈیشن کے شیڈول کا اعلان کردیا گیا، جن کا آغاز 17 فروری سے ہوگا۔

علی ظفر 2015،2016,2017,2018 اور 2020 میں پی ایس ایل کےلئے ترانے گا چکے ہیں، جنہیں  شائقین کرکٹ نے بےحد پسند کیا تھا۔

سوشل میڈیا کی ویب سائٹ ایکس پر علی ظفر نے ایک تفصیلی پوسٹ شئیر کی، جس میں انہوں نے دو آپشن کےساتھ ووٹنگ کے ذریعے اپنے مداحوں کی پی ایس ایل کے ترانے سے متعلق رائے طلب کی۔

Advertisement

Do you think that if I did the anthem of PSL this year, it will enhance the image of the brand of PSL and PCB, deepen the connection with people, and bring more financial benefit to all stakeholders or will it prove to be otherwise? Be honest with your votes. I have no ego and I…

— Ali Zafar (@AliZafarsays) January 12, 2024

اس پوسٹ میں علی ظفر نے پاکستان سپرلیگ 9 کے ترانے کے حوالے سے سوال کیا کہ’کیا آپ کو لگتا ہے کہ اگر میں نے اس سال پی ایس ایل کا ترانہ گایا تو اس سے پاکستان سپر لیگ اور پاکستان کرکٹ بورڈ کے برانڈ کا امیج بڑھے گا؟ لوگوں سے تعلق گہرا ہوگا اور تمام اسٹیک ہولڈرز کو زیادہ مالی فائدہ پہنچے گا؟’

علی ظفر نے اپنے سوال پر سوشل میڈیا صارفین کی رائے طلب کرتے ہوئے مزید لکھا کہ اپنے ووٹ کے ساتھ ایماندار بنیں، مجھے کوئی انا نہیں ہے اور مجھے کوئی اعتراض نہیں ہوگا۔ میں صرف یہ دیکھنا چاہتا ہوں کہ پاکستان کے لوگ کیا سوچتے ہیں اور ان کی خواہشات کیا ہیں بمقابلہ اثر و رسوخ یا طاقت کے عہدوں پر فائز چند افراد’۔

اسی کے ساتھ گلوکار نے ووٹنگ کیلئے دو آپشن رکھے اور مزید لکھا کہ’یہ ٹوئٹ پوسٹ کرنے کی وضاحت میں بعد میں دونگا ابھی صرف آپ کی رائے درکار ہے۔

Advertisement

I will explain later, why I have posted this tweet 🙂 abhee just vote ✨

— Ali Zafar (@AliZafarsays) January 12, 2024