بالی ووڈ کے ایکشن ہیرو اکشے کمار اور ٹوئنکل کھنہ یقینی طور پر انڈسٹری کی سب سے خوبصورت جوڑیوں میں سے ایک ہیں۔

وہ سوشل میڈیا پر ایک دوسرے کے ساتھ پیار کا اظہار کرتے اور ایک دوسرے کے لئے تعریفی پوسٹ بھی شیئر کرتے رہتے ہیں۔

حال ہی میں ٹوئنکل کھنہ نے اپنی گریجویشن مکمل کی ہے اور اس حوالے سے ایک تعریفی پوسٹ شیئر کرتے ہوئے اداکار نے انہیں ’سپر ویمن‘ قرار دیا ہے۔

16 جنوری کو، اکشے کمار نے اپنے انسٹاگرام پر اپنی بیوی کے لیے بے پناہ محبت اور فخر سے بھری ایک پوسٹ شیئر کی۔

اس پوسٹ پر اپنے خیالات کا اظہار کرتے ہوئے اداکار نے یاد کیا کہ جب ان کی اہلیہ نے انہیں دوبارہ پڑھائی شروع کرنے کے متعلق بتایا تھا تو انہیں یقین نہیں تھا کہ وہ واقعی ایسا کرسکیں گی لیکن انہوں نے ایسا کیا اور  یہ سب قابل فخر ہے ۔

اس پوسٹ کے ساتھ ہی اداکار نے ایک خوبصورت تصویر بھی شیئر کی ہے جس میں وہ اپنی اہلیہ ٹوئنکل کھنہ کے ساتھ کھڑے ہوئے ہیں جبکہ مصنفہ نے گریجویشن گاؤن بھی پہنا ہوا ہے۔

دوسری جانب ٹوئنکل کھنہ نے بھی اپنی ڈگری حاصل کرنے کی ایک ویڈیو سوشل میڈیا پر شیئر کی ہے۔

خیال رہے کہ ٹوئنکل کھنہ نے  دو سال قبل لندن یونیورسٹی میں میں فکشن رائٹنگ کے ماسٹرز پروگرام میں  داخلہ لیا تھا ۔