بالی وڈ کے سپراسٹار عامر خان اپنی بیٹی ائرا خان اور نوپور شکھارے کی شادی پر اپنے جذبات پر قانو نہ رکھ سکے اور رو پڑے۔ 

شادی کی تقریب میں جیسے ہی ائرا خان نے نوپور شکھارے کو ’ہاں‘ بولا، عامر خان خوشی سے رونے لگے ، جنہیں ان کے ساتھ بیٹھی سابق اہلیہ ریا دتہ نے آنسو پونچھتے ہوئے تسلی دی۔

ویڈیو دیکھیں:

واضح رہے کہ رواں ماہ بھارتی سپراسٹار عامر خان کی بیٹی آئرا خان اور فٹنس ٹرینر نوپور شکھارے کے ولیمے میں بھارت کی معروف شخصیات سمیت بالی وڈ کے متعدد اسٹارز نے شرکت کرکے تقریب کو چار چاند لگادئیے۔

آئرا خان نے اپنے ولیمے پر سرخ لہنگا چولی پہنی جبکہ نوپور شکھارے سیاہ شیروانی پہہنے نظر آئے۔

اس تقریب میں جہاں دلہا دلہن کے پورے خاندان نے شرکت کی وہیں آئرا کی سوتیلی والدہ کرن راؤ نے طبیعت ناساز ہونے کے سبب شرکت نہیں کی۔

شاہ رخ خان نے سیاہ سوٹ پہن کر اپنی اہلیہ گوری خان کے ساتھ شرکت کی جنہوں نے مرون دلکش جوڑا پہن رکھا تھا۔

سلمان خان کی روایتی انداز میں دھماکے دار انٹری ہوئی جب وہ تنِ تنہا اپنے منفرد اسٹائل میں چلتے ہوئے تقریب میں شامل ہوئے۔

آئرا خان اور نوپور شکھارے نے 3 جنوری ممبئی میں منعقدہ تقریب میں شادی کے قانونی کاغذات پر دستخط کیے اور پھر یہ جوڑی اپنے عزیز و اقارب کے ساتھ بھارتی ریاست راجھستان کے شہر ادےپور چلی گئی جہاں مہندی، پاجامہ پارٹی، سنگیت سمیت تقاریب کا انعقاد کیا گیا جبکہ 13 جنوری کو اس جوڑی نے مسیحی انداز میں شادی کی۔

ایرا خان اور نوپور شیکھرے کی سنگیت تقریب میں روایتی لباس میں ملبوس دلہن کے والد عامر خان نے اپنے رقص سے ڈانس فلور کو آگ لگا دی۔

ایک وائرل کلپ میں پرجوش باپ کو بچنا اے حسینو اور گرو رندھاوا کی کون نچدی کی دھنوں  پر جوش و جذبے سے پرفارم کرتے دیکھا جا سکتا ہے۔

عامر خان کا رقص:

Megastar #AamirKhan dances to “Bachna ae haseeno” at the wedding festivities of daughter #IraKhan pic.twitter.com/8wwmAAOIP3

— RAJ (@AamirsDevotee) January 10, 2024

 اس موقع پر عامر خان کے ارد گرد ان کے دوست احباب اور خاندان کے افراد بھی موجود ہیں۔

اس سے قبل ادے پور میں ایرا خان اور نوپور شیکھرے کی شادی کے استقبالیہ سے قبل، عامر خان نے اپنی فلم پی کے کے گانے ’ٹھرکی چھوکرو‘ پر بھی خوب رقص کیا۔

سوشل میڈیا پر ان کی وائرل ویڈیو میں دیکھا جا سکتا ہےکہ عامر خان، اپنی سابق اہلیہ کرن راؤ کے ہمراہ ادے پور میں راجستھانی لوک فنکاروں کے ساتھ ٹھرکی چوکرو پر خوشگوار مو ڈ میں رقص کرکے محظو ظ ہو رہےہیں۔

ان کی اس ویڈیو پر دنیا بھر میں موجود ان کے مداحوں کی جانب سے ملے جلے ردعمل کا اظہار کیا جا رہا ہے۔

واضح رہےکہ گزشتہ دنوں عامر خان کی بیٹی ارا خان اور نوپور شیکھرے کی شادی کی تقریب کا انعقاد کیا گیا تھا جس میں اس جوڑی نے شادی کے رجسٹریشن سرٹیفکیٹ پر دستخط کیے۔

سوشل میڈیا پر وائرل ہونے والی تصاویر و ویڈیوز میں نوپور شکھیرے کو شارٹس اور بنیان میں دیکھا جاسکتا ہے۔

نوپور شیکھرے اپنے دوستوں کے ہمراہ جاگنگ کرتے ہوئے شادی میں پہنچے جس کی ویڈیو بھی سوشل میڈیا پر وائرل ہورہی ہے۔

#NupurShikhare jogs his way to wedding venue and joins his Baaraat pic.twitter.com/g6B4ZVszkP

— Scroll And Play (@scrollandplay) January 3, 2024

سوشل میڈیا پر وائرل ویڈیو دیکھ کر صارفین کی جانب سے سوال کیا گیا کہ آخر کیوں نوپور شیکھرے نے شارٹس اور بنیان کا انتخاب کیا جس کی وجہ اب بھارتی میڈیا نے بتا دی ہے۔

بھارتی میڈیا کا کہنا ہے کہ نوپور شیکھرے نے ستمبر 2022 میں، جب پہلی بار ارا خان کو شادی کے لیے پروپوز کیا تھا تو اُس وقت بھی اُنہوں نے شارٹس اور بنیان ہی پہنی ہوئی تھی، اُسی یاد کو تازہ کرنے کے لیے نوپور نے اپنی شادی کے دن بھی اُسی طرز کا لباس زیبِ تن کیا۔

یاد رہے کہ بھارت میں دو مختلف مذاہب سے تعلق رکھنے والے افراد کی شادی کے لیے خصوصی رجسٹریشن کی جاتی ہے اس کے بعد جوڑے اپنی اپنی روایات کے مطابق شادیاں کرسکتے ہیں۔