معروف برٹش گلوکار زین ملک، پیرس فیشن ویک میں شرکت کے دوران حادثے کا شکار ہوگئے ہیں ۔

غیر ملکی خبر رساں ادارے کی رپورٹ کے مطابق زین ملک نے پانچ سال میں پہلی بار کسی ایونٹ میں اپنی شرکت کو یقینی بنایا اور عوام کے سامنے بھی آئے۔

اس تقریب کے دوران گلوکار حادثے کا شکار ہوئے ہیں جس کی ویڈیوز بھی سوشل میڈیا پر کافی وائرل ہورہی ہیں۔

Zayn in Paris tonight! pic.twitter.com/ac8cbTFgsO

Advertisement

— Zayn Malik Updates (@ZaynReport) January 19, 2024

ویڈیو میں دیکھا جاسکتا ہے کہ گلوکار کے گرد سیکیورٹی گارڈز موجود ہیں جو ان کو عوام سے بچا کرر لے کر جارہے ہیں ایسے میں ایک گاڑی زین ملک کے پاؤں پر سے گزرتی ہے اور وہ وہیں رک جاتے ہیں۔

ویڈیو میں آگے دیکھا جاسکتا ہے کہ گلوکار کو چلنے میں دشواری کا سامنا کرنا پڑ رہا ہے لیکن وہ پھر بھی اپنے مداحوں کے ساتھ تصاویر بناوتے ہوئے نظر آرہے ہیں۔

بعدازاں زین ملک نے اس حادثے کے متعلق ایک پوسٹ بھی شیئر کی اور شو کے متعلق اپنے تاثرات کا اظہار بھی کیا۔

اس پوسٹ میں گلوکار نے یہ بھی بتایا کہ اب ان کا پاؤں ٹھیک ہے جس کا پورا کریڈٹ انہوں نے اپنے اچھے کوالٹی کے جوتوں کو دیا۔

اس سے قبل زین ملک پاکستانی بینڈ ’اور‘ کے ساتھ ہٹ ٹریک ’ تو ہے کہاں‘ کے ریمکس کے لئے اشتراک کرچکے ہیں جو کہ کافی مقبول ہوا ہے۔