پاکستان شوبز انڈسٹری کی نامور اور خوبرو با صلاحیت اداکارہ نیلم منیر نے نئے سال کا جشن منانے والوں سے ناراضگی کا اظہار کیا ہے۔

نیلم منیر ڈراموں کے ساتھ ساتھ اپنی پرکشش شخصیت اور انداز کی وجہ سے بھی سرخیوں میں رہتی ہیں۔

اداکارہ سوشل میڈیا پر بھی کافی سرگرم نظر آتی ہیں ، جو دنیا بھر میں موجود اپنے مداحوں کے لئے اکثر تصویریں اور ویڈیوز شیئر کرکے ان سے رابطے میں رہتی ہیں۔

نیلم منیر نے انسٹاگرام پر ایک پوسٹ شئیر کی ، جس میں انہوں نے لکھا کہ ’یہ سال میری زندگی کا افسوسناک خبر سے بھرا سال رہاہے، جس میں انسانیت کے خلاف دنیا بھر میں مظالم ڈھائے گئے’۔

نیلم منیر نے مزید لکھا کہ،’ظلم سے بھرے اس سال کے ساتھ ہم نئے سال کا جشن کیسے مناسکتے ہیں؟

یہ بھی پڑھیں: اداکارہ نیلم منیر نے شوبز کو خیرباد کہہ دیا؟

اس سے قبل نیلم منیر نے برائیڈل کٹیور ویک میں زخمی ٹانگ کے ساتھ ریمپ پر پر اعتماد طریقے سے واک کرکے سب کو حیران کردیا تھا۔

اس پوسٹ کے کیپشن میں انہوں نے لکھاکہ ’میں نے ٹوٹے ہوئے ٹخنے کے ساتھ برائیڈل کٹیور وِیک میں ریمپ واک کی، اس پوسٹ کا مقصد لوگوں کو یہ ہمت دینا ہے کہ چاہے زندگی میں کتنے ہی غم اور تکالیف آجائیں آپ کو ہر حال میں آگے بڑھتے رہنا چاہئے، اللہ پر مکمل یقین کے ساتھ اور کبھی بھی ہمت نہیں ہارنی چاہئے‘۔