بالی وڈ کے نامور اداکار شاہد کپور اور کریتی سینن کی نئی کامیڈی ڈرامہ فلم ‘تیری باتوں میں ایسا الجھا جیا’ کا ٹریلر جاری کر دیا گیا ہے۔

شاہد کپور کی اہلیہ میرا راجپوت نے فلم کے ٹریلر کو دیکھنے کے بعد اپنی پسندیدگی کا اظہار کرتے ہوئے اپنی انسٹاگرام اسٹوری میں لکھا انہیں بھی اس فلم کا دیگر شائقین کی طرح بےصبری سے انتظار ہے۔

انہوں نے  شاہد کپور اور اداکارہ کریتی سینن کو ٹیگ کرتے ہوئے لکھا کہ ’آگ لگادو‘۔

اس فلم کے ٹریلر کو دیکھنے کے بعد یہ بات واضح ہےکہ ہیروئن کریتی سینن ایک روبوٹ کا کردار ادا کر رہی ہیں، جن سے شاہد کپور کو محبت ہو جاتی ہے ۔

ٹریلر دیکھیں:

اس سے قبل فلم کا پہلا گانا ‘لال پیلی انکھیاں’ ریلیز کیا گیا تھا، اس گانے میں شاہد کپور اپنے روایتی پرجوش لٹکے جھٹکوں سے ڈانس فلور پر آگ لگاتے نظر آرہے ہیں جوکہ کافی پسند کیا جا رہا ہے۔

اس فلم میں شاہد کپور کے مدمقابل کریتی سینن مرکزی کردار میں نظر آئیں گی، جبکہ دیگر کاسٹ میں دھرمیندر اور ڈمپل کپاڈیہ بھی شامل ہیں۔

 محبت کی کہانی پر مبنی یہ فلم ویلنٹائن ویک پر 9 فروری 2024 کو سینما گھروں کی زینت بنے گی۔

لال پیلی انکھیاں دیکھیں:

یہاں یہ بات قابل ذکر ہے کہ شاہد کپور کے چاہنے والے کئی سالوں سے ان کی الیکٹریفائنگ ڈانس پرفارمنس دیکھنے کے لئے بے تاب تھے اور اب بالآخر انہوں نے اس گانے میں سب کی خواہش پوری کر دی۔