اکثر شوبز فنکاروں کے بچپن کی تصاویر سوشل میڈیا پر وائرل ہوجاتی ہیں جنھیں دیکھ کر ان کے مداح بھی خوشگوار حیرت میں مبتلا ہوجاتے ہیں۔

ایسی ہی ایک معروف بالی ووڈ اداکارہ کے بچپن کی تصویر سوشل میڈیا پر وائرل ہورہی ہے جسے آپ یقیناً نہیں پہچان سکتے۔

تصویر میں نظر آنے والی یہ سنجیدہ سی بچی بالی وڈ کی خوبرو ، فیشن آئیکون اور باصلاحیت اداکارہ ’ سونم کپور ‘ ہیں۔

سونم کپور:

سونم کپور نے 2005 میں بننے والی فلم بلیک کے ہدایتکار سنجے لیلا بھنسالی کی نائب ہدایت کارہ کی حیثیت سے شوبز میں قدم رکھا۔

اس کے بعد انہوں نے بحیثیت اداکارہ 2007ء میں سنجے لیلا بھنسالی کی رومانوی ڈراما فلم سانوریا میں اپنی اداکاری کے جوہر دکھائے، جس میں ان کے مدمقابل ہیرو رنبیر کپور تھے۔

 اسی فلم کے لیے سونم کپور کو فلم فیئر ایوارڈ برائے بہترین اداکارہ کے لیے نامزد کیا گیا۔ سونم کی پہلی کمرشل کامیابی تین برس بعد 2010ء میں بننے والی رومانوی مزاحیہ فلم آئی ہیٹ لو سٹوریز تھی۔

واضح رہےکہ سونم کپور بالی وڈ کے نامور اداکار انیل کپور کی صاحبزادی ہیں۔