بالی ووڈ انڈسٹری میں زویا اختر کی ’دی آرچیز‘ سے  اپنی اداکاری کے کیریئر کا آغاز کرنے والی شاہ رخ خان کی بیٹی، سہانا خان اپنے فیشن اور اسٹائل کے لئے بھی کافی مقبول ہیں۔

حال ہی میں اداکارہ نے پیرس سے اپنی کچھ خوبصورت تصاویر سوشل میڈیا پر شیئر کی ہیں۔

سہانا خان نے اپنے انسٹاگرام پر تصویروں کا ایک گروپ شیئر کیا ہے جس کے کیپش میں لکھا، “بارش میں پیرس۔ ” اور اپنے گلیمرس لک سے اپنے مداحوں کو اپنی گرفت میں لے لیا۔

اس دوران انہوں نے پیرس فیشن ویک میں اپنی قریبی دوست اننیا پانڈے کے بین الاقوامی رن وے ڈیبیو میں بھی شرکت کی۔

خیال رہے کہ اداکار شاہ رخ خان کی بیٹی سہانا خان نے حال ہی میں زویا اختر کی فلم ’دی آرچیز‘ سے بالی ووڈ میں قدم رکھا۔ اس فلم میں امیتابھ بچن کے پوتے اگستیہ نندا اور بونی کپور کی بیٹی خوشی کپور کی پہلی فلم بھی تھی۔

یہ فلم اسی نام کی امریکی مزاحیہ کتابوں کے مشہور فرضی کرداروں کی زندگی پر مبنی ہے لیکن اسے ہندوستان میں ترتیب دیا گیا ہے۔