کیا کترینہ کیف ترک زبان میں بات کر سکتی ہیں؟ سوشل میڈیا پلیٹ فارم پر اداکارہ کی ایک پرانے انٹرویو کی ویڈیو کافی ٹرینڈ کر رہی ہے، جس میں وہ روانی سے ترک زبان میں بات کرتی ہوئی نظر آ رہی ہیں۔

کترینہ کیف کی ترکی زبان میں بات کرنے کی ویڈیو کچھ دنوں سے سوشل میڈیا پر گردش کر رہی ہے۔

اس ڈیپ فیک ویڈیو میں کترینہ بول رہی ہیں اور اسی انٹرویو کے دوران ہریتک روشن بھی ان کے ساتھ اتفاق میں سر ہلاتے ہوئے نظر آ رہے ہیں۔

یہ دراصل ایک پرانے انٹرویو کی ویڈیو ہے جب کترینہ ہریتک روشن کے ساتھ فلم بینگ بینگ کی تشہیر کر رہی تھیں۔

یہ ویڈیو اداکارہ کے ایک فین پیج کی جانب سے انسٹاگرام پر پوسٹ کی گئی، جس نے کیپشن میں لکھا، “اگر آپ ترکی زبان بولتے تو ایسا ہوتا… نوٹ: یہ ویڈیو مصنوعی ذہانت سے تیار کی گئی ہے!”

ویڈیو پر ردعمل ظاہر کرتے ہوئے صارفین نے اپنے خیالات کا اظہار کیا ہے جبکہ ایک ایک مداح نے کہا، “او ایم جی… بالکل اصلی آواز ہے!” ایک اور نے کہا، “جب میں نے وضاحت پڑھی تو میں سمجھ گیا کہ یہ مصنوعی ذہانت ہے۔ یہ شاندار ہے!”

خیال رہے کہ کترینہ کو آخری بار میری کرسمس میں دیکھا گیا تھا، جس کی ہدایتکاری سری رام راگھون نے کی تھی جو کہ 12 جنوری کو ریلیز ہوئی تھی۔ کترینہ نے اس فلم میں وجے سیتھوپتی کے ساتھ پہلی بار کام کیا تھا۔