پاکستانی نژاد کینیڈین یوٹیوبر اور کامیڈین زید علی  نے مداحوں کیساتھ بڑی خوشخبری شیئر کردی۔

زید علی اور ان کی اہلیہ نے حال ہی میں انسٹاگرام پر دلکش ویڈیو پر مشتمل ایک کلپ جاری کیا جس نے سوشل میڈیا صارفین سمیت مداحوں کو خوش کردیا۔

اس ویڈیو میں دیکھا جا سکتا ہےکہ زید علی اور ان کی اہلیہ صوفے پر بیٹھےہوئے ہیں جبکہ ان کا دو سالہ بیٹا ایزیان سیاہ بورڈ تھامے چلتا ہوا نظر آرہا ہے جس پر لکھا ہوا ہے، ’میں بڑا بھائی بننے والا ہوں‘۔

پوسٹ کے کیپشن میں یوٹیوبر نے مداحوں کو جلد آنے والے ننھے مہمان کی اطلاع کے ساتھ یوٹیوب پر واپسی کا عندیہ بھی دے دیا۔

حال ہی میں معروف یوٹیوبر زید علی نے اپنے انسٹاگرام اکاؤنٹ پر ایک تصویر پوسٹ کی ہے جس میں انہیں اپنے والد اور بیٹے کے ہمراہ دیکھا جاسکتا ہے۔

 شیئر کی گئی تصویر کے کیپشن میں معروف یوٹیوبر زید علی نے اپنے مداحوں کو افسوسناک خبر کی اطلاع دیتے ہوئے لکھا کہ ’میرے پہلے دوست، سپر ہیرو، والد، آپ ایک بے حد محنتی انسان تھے، آپ نے مجھے ایک انسان بنایا جو آج میں ہوں اور اس کیلئے میں آپ کا ہمیشہ شکر گزار رہوں گا ‘۔

 زید علی نے لکھا کہ  ’ اگر میں نے ایک فیصد بھی بطور باپ وہ سب حاصل کر لیا جیسے آپ تھے تو میں سمجھوں گا میں نے سب حاصل کر لیا ‘۔

آخر میں زید علی نے اپنے والد کیلئے دعائے مغفرت کرتے ہوئے لکھا کہ اللہ پاک آپ کو جنت الفردوس میں اعلیٰ مقام عطا کرے۔