نوازالدین صدیقی بھارتی فلم انڈسٹری کے سب سے مشہور اداکاروں میں سے ایک ہیں، جنہوں نے گینگز آف واسے پور، دی لنچ باکس، بدلاپور اور بجرنگی بھائی جان جیسی کئی فلموں میں شاندار اداکاری کی ہے۔

اپنے ایک حالیہ انٹرویو میں، انہوں نے اداکاری سے اپنی محبت کے متعلق کھل کر کہا کہ وہ کبھی کام نہیں مانگیں گے بلکہ اپنے پراجیکٹس کو فنڈ دینے کے لیے اپنا سامان بیچیں گے۔

اداکار نوازالدین نے کہا کہ اگر کوئی ایسا دن آئے جب میرے پاس کوئی کام نہ ہو تو مجھ میں اتنی طاقت بھی نہیں کہ جا کر کام مانگوں، میں کسی کے پاس جاکر یہ نہیں کہہ سکتا کہ مجھے کام دو۔ میں اپنا گھر، اپنے جوتے اور سب کچھ بیچ کر خود فلم بناؤں گا۔

انہوں نے مزید کہا کہ اداکاری اہم ہے لیکن فلموں میں اداکاری کرنا ضروری نہیں ہے وہ اسے سڑکوں، ٹرینوں یا بس پر بھی اداکاری کرسکتے ہیں۔

اداکار نے مزید تفصیل سے کہا کہ کام مانگنا ان کے لیے توہین آمیز نہیں ہے۔ لیکن وہ کام نہیں مانگ سکتے۔

نوازالدین نے حال ہی میں تیلگو انڈسٹری میں سیلیش کولانو کی سیندھو سے ڈیبیو کیا جس میں وہ وکاس ملک کا کردار ادا کر رہے ہیں، جو ایک کاروباری شخص ہے جس میں وینکٹیش دگوبتی مرکزی کردار ادا کر رہے ہیں۔