بالی ووڈ کے کنگ خان کی گزشتہ سال ریلیز ہونے والی بلاک بسٹر فلم ’جوان‘ کے ہدایتکار ایٹلی کی اگلی فلم کے متعلق اہم اطلاعات ہیں۔

اس حوالے سے جاری ہونے والی رپورٹس کے مطابق معروف ہدایتکار اپنی اگلی فلم کے لئے تیار ہیں جس میں اداکار ورون دھون مرکزی کردار ادا کرتے ہوئے نظر آئیں گے، جسے وی ڈی 18 کا  نام دیا گیا ہے۔

رپورٹس میں بتایا گیا ہے کہ فلم میں ورون دھون ’بےبی جون‘ کا کردار ادا کریں گے اور ان کے علاوہ کیرتھی سریش، ومیکا گابی، اور جیکی شراف کو کاسٹ کیا گیا ہے۔

علاوہ ازیں اس فلم کے لئے سنسر بورڈ کی جانب سے سرٹیفکیٹ بھی حاصل کرلیا گیا ہے اور  بے بی جون کا ٹیزر بھی جلد جاری کئے جانے کا امکان ہے ۔

خیال رہے کہ یہ فلم ایٹلی کی 2016 میں بنائی گئی تھیری کا ریمیک ہے جس میں وجے، سمانتھا روتھ پربھو اور ایمی جیکسن نے اداکاری کی تھی۔

واضح رہے کہ ورون دھون، جو آخری بار فلم باوال میں جھانوی کپور کے ساتھ نظر آئے تھے، فی الحال اپنے آنے والے پروجیکٹ کی شوٹنگ میں مصروف ہیں۔ ایکشن سے بھرپور اس تفریحی فلم کا نام VD 18 ہے۔