نامور بھارتی نغمہ نگار اور شاعر جاوید اختر نے بالی وڈ کی بلاک بسٹر فلم اینیمل کی کامیابی کو ’خطرناک‘ قرار دے دیا۔

گزشتہ روز بھارت میں اجنتا ایلورا انٹرنیشنل فلم فیسٹیول میں جاوید اختر نے سپر اسٹار رنبیر کپور کی فلم اینیمل کے بارے میں بات کرتے ہوئے کہا کہ یہ خطرناک ہے کہ اس طرح کی فلمیں سپر ہٹ بن کر ابھر رہی ہیں۔

انہوں نے فلم کا نام لئے بغیر کہاکہ اگر ایسی فلم ہو جہاں ایک آدمی ایک عورت سے اس کے جوتے چاٹنے کا مطالبہ کرے، ایک آدمی کہے کہ عورت کو تھپڑ مارنا ٹھیک ہے تو پھر یہ فلم سپر ہٹ ہوجائے تو یہ بہت خطرناک ہے۔

واضح رہے کہ فلم اینیمل میں استعمال ہونے والی دیوہیکل ’مشین گن‘ کے حوالے سے حیران کن انکشاف سامنے آیا ہے۔

مشین گن کے حوالے سے پوچھے گئے سوال کا جواب دیتے ہوئے ڈیزائنر سریش سیلواراجن نے بتایاکہ فلم میں استعمال ہونے والی مشین گن کمپیوٹر سے تیار کردہ کوئی امیجری نہیں ہے بلکہ چار ماہ کے وقت میں تیار کی گئی 500 کلو گرام کی بھاری بھرکم اصلی اسٹیل سے بنائی گئی مشین ہے۔

اس مشین گن کو فلم میں ایکشن کے سین میں دکھایا گیا جس کا دورانیہ 18 منٹ ہے جبکہ اسے فلم کے ہیرو رنبیر کپور باکمال طریقے سے استعمال کر رہے ہیں۔

بھارتی میڈیا رپورٹس کے مطابق آج تک کسی بھی بھارتی فلم میں اس قسم کی مشین گن نہیں دیکھی گئی،یہ فلمساز سندیپ ریڈی کا ہی آئیڈیا تھا۔

نامور فلمساز سندیپ ریڈی وانگا   کی ہدایات میں بننے والی سپر ہٹ فلم اینیمل نے اب تک 500 کروڑ سے زائد کا بزنس کر لیا ہے ، جس میں رنبیر کپور کے مدمقابل رشمیکا مندانا، انیل کپور اور بوبی دیول نے مرکزی کردار نبھائے ہیں۔

اس مشین گن کو فلم میں ایکشن کے سین میں دکھایا گیا جس کا دورانیہ 18 منٹ ہے جبکہ اسے فلم کے ہیرو رنبیر کپور باکمال طریقے سے استعمال کر رہے ہیں۔

بھارتی میڈیا رپورٹس کے مطابق آج تک کسی بھی بھارتی فلم میں اس قسم کی مشین گن نہیں دیکھی گئی،یہ فلمساز سندیپ ریڈی کا ہی آئیڈیا تھا۔

نامور فلمساز سندیپ ریڈی وانگا  کی ہدایات میں بننے والی سپر ہٹ فلم اینیمل نے اب تک 500 کروڑ سے زائد کا بزنس کر لیا ہے ، جس میں رنبیر کپور کے مدمقابل رشمیکا مندانا، انیل کپور اور بوبی دیول نے مرکزی کرداد نبھائے ہیں۔