معروف بھارتی اداکار رندیپ ہودا نے انکشاف کیا ہے کہ انہوں نے خود کو جیل کی کوٹھری میں بند کر لیا تھا۔

غیر ملکی خبر رساں ادارے کی رپورٹ کے مطابق اداکار آزادی پسند ویر ساورکر کی آنے والی بائیوپک میں مرکزی کردار ادا کر رہے ہیں اور ان کی برسی کے موقع پر اپنے سوشل اکاؤنٹ پر ایک پوسٹ شیئر بھی شیئر کی۔

پوسٹ شیئر کرتے ہوئے اداکار نے بتایا کہ کس طرح انہوں نے کچھ وقت کے لیے خود کو بند کرنے کی کوشش کی تھی تاکہ محسوس کیا جا سکے کہ ساورکر جب جیل میں تھے تو انھوں نے کیا محسوس کیا ہوگا۔

تجربے کا ذکر کرتے ہوئے، انہوں نے لکھا کہ میں نے خود کو اس سیل کے اندر بند کرنے کی کوشش کی لیکن میں 20 منٹ تک بھی بند نہیں رہ سکا جہاں وہ قید تنہائی میں 11 سال تک بند رہے تھے۔

اداکار نے مزید کہا، ’’میں نے ویر ساورکر کی بے مثال برداشت کا تصور کیا جس نے قید کے ظلم اور غیر انسانی حالات کو برداشت کیا اور پھر بھی مسلح انقلاب کی تعمیر اور حوصلہ افزائی کرنے میں کامیاب رہے۔‘‘

جیسا کہ تصاویر میں دیکھا گیا ہے، اینٹوں سے بنی جیل کا سائز 7 بائی 11 فٹ نوٹ کیا گیا تھا، اور اس میں ہوا کے لیے صرف ایک چھوٹی سی کھڑکی تھی۔

رندیپ ہودا کی  فلم ’سواتنتریا وِیر سوارکر‘  22 مارچ 2024 کو سنیما گھروں کی زینت بنے گی جس کی کاسٹ میں رندیپ ہودا کے ساتھ انکیتا لوکھانڈے اور اپندردیپ سنگھ اہم کردار ادا کررہے ہیں جبکہ فلم کے ہدایت کار بھی رندیپ ہودا ہی ہیں۔