بالی ووڈ کی معروف اداکارہ دیپیکا پڈوکون، جو کہ انڈسٹری کی ایک باصلاحیت اور بہت ہی قابل اداکاراؤں میں شمار کی جاتی ہیں، نے انٹرنیشنل پلیٹ فارم پر  روایتی انداز اپنا کر صارفین کو حیران کردیا ہے۔

حال ہی میں دیپیکا پڈوکون نے 77 ویں برٹش اکیڈمی فلم ایوارڈز میں بطور پریزنٹر شرکت کی جس کے لئے انہوں نے روایتی انداز کا انتخاب کرتے ہوئے ساڑھی پہنی۔

دیپیکا نے لندن کے رائل فیسٹیول ہال میں ایوارڈز کی تقریب کے لئے چمکدار سفید ساڑھی میں ایک میچنگ بیک لیس بلاؤز کا انتخاب کیا جس کی تصاویر بھی انہوں نے اپنے انسٹاگرام اکاؤنٹ پر پوسٹ کی ہیں۔

دوران تقریب اداکارہ نے ہدایتکار جوناتھن گلیزر کو دی زون آف انٹرسٹ کے لیے انگریزی زبان میں بہترین فلم کا ایوارڈ پیش کیا۔

یہ پہلا موقع نہیں ہے جب دیپیکا پڈوکون نے انٹرنیشنل پلیٹ فارم پر روایتی انداز اپنایا ہو انہوں نے پہلے بھی کانز فلم فیسٹیول 2022 میں کانز کی جیوری میں خدمات انجام دیتے ہوئے ساڑھی کا انتخاب کیا تھا۔