معروف پاپ سنگر مائیکل جیکسن کی زندگی پر بننے والی فلم کی تصویر سوشل میڈیا پر وائرل ہوگئی ہے۔

غیر ملکی میڈیا کے مطابق مائیکل جیکسن کے بھتیجے جافر جیکسن اسٹیج پر پرفارم کرتے ہوئے مائیکل جیکسن جیسے نظر آرہے ہیں۔

فلم کے پروڈیوسر گراہم کنگ نے بتایا کہ جافر جیکسن مائیکل جیکسن کی طرح دکھتا اور ڈانس کرتا ہے اور مائیکل جیکسن کا کردار اس کے علاوہ کوئی  دوسرا اداکار نہیں کرسکتا تھا۔

خیال رہے کہ جعفر جیکسن مائیکل کے بڑے بھائی جرمین جیکسن کے بیٹے ہیں جو ایک گلوکار اور پروڈیوسر بھی ہیں۔

فلم ’مائیکل‘ میں اس پیچیدہ آدمی کو فلمایا جائے گا جو پاپ کا بادشاہ بن گیا، فلم میں ان کی زندگی کے تمام پہلو اور ان کی سب سے قابلِ ذکر پرفارمنس شامل ہوں گی جنہوں نے اسے موسیقی کی دنیا کا ’آئکن‘ بنا دیا۔

مائیکل جیکسن صرف ایک اداکار ہی نہیں تھے بلکہ پاپ میوزک انڈسٹری میں ایک ثقافتی شخصیت تھے اور ان کے انتقال کے برسوں بعد بھی زندہ ہیں، اور ان کے مداحوں کی تعداد میں مسلسل اضافہ ہو رہا ہے۔

واضح رہے کہ یہ فلم 2025ء میں ریلیز ہوگی۔