پاکستان شوبزانڈسٹری کی شوخ وچنچل اداکارہ حرا مانی کی بھارتی فلمی گانے پر  پرفارمنس کافی وائرل ہو گئی ہے۔

حرا مانی کے نام سے کون واقف نہیں وہ پاکستانی ٹیلی ویژن کی ایک باصلاحیت اداکارہ ہیں، انہوں نے کئی سپرہٹ ڈراموں میں لازوال کردار ادا کیے ہیں یہی وجہ ہے کہ ان کے مداحوں کی تعداد لاکھوں میں ہے جو نہ صرف ان کی اداکاری کے معترف ہیں بلکہ ان کے آنے والے ڈراموں کے منتظر بھی رہتے ہیں۔

حرا مانی کے مشہور ڈراموں میں سن یارا، دو بول، کشف، بندش، آنگن، یقین کا سفر، میں ہاری پیا اور دل ماں کا دیا شامل ہیں۔

حرا مانی نے پاکستانی شوبز انڈسٹری کے  نامور میزبان اور اداکار ثاقب شیخ (مانی) سے شادی کی ہے جبکہ اس خوبصورت جوڑے کے دو پیارے سے بیٹے مزمل اور ابراہیم ہیں۔

 حرا مانی نے انسٹا گرام پر اپنے مداحوں کے لئے ایک ویڈیو پوسٹ کی ، جس کے کیپشن میں انہوں نے لکھا میرے پسندیدہ کپڑوں میں سے ایک جوڑا۔

صرف یہی نہیں بلکہ وہ اس ویڈیو میں بھارتی گلوکار سونو نگم کے فلمی گانے ’ست رنگی رے‘ پر قاتلانہ ادائیں بھی دکھا رہی ہیں۔

اس سے قبل حرا مانی کی بھارتی فلمی گانے پر بالی وڈ اداکارہ ایشوریا رائے کی نقل کرتے ہوئے ڈانس پرفارمنس کافی وائرل ہوئی۔

اس وائرل ویڈیو میں دیکھا جا سکتا ہےکہ حرا مانی ساڑھی پہنے گھر کی چھت پر  بالی وڈ کی فلم ’گرو‘ کے گانے ’برسو رے‘ پر ایشوریا رائے کی طرح با کمال مہارت سے ڈانس کر رہی ہیں۔

 حرامانی کی اس ویڈیو پر دنیا بھر سے ان کے چاہنے والوں کی جانب سے ملے جلے ردعمل  کا اظہار کیا جا رہا ہے۔

 یہ بھی پڑھیں: حرا مانی ایک بار پھر تنقید کی زد میں، مگر کس بات پر

حرا مانی عمدہ اداکارہ اور ماڈل ہونے ساتھ ایک خوبصورت آواز کی مالکن بھی ہیں اور یہی وجہ ہے کہ اب انہوں نے گلوکاری کا باقاعدہ آغاز کردیا ہے۔