بالی ووڈ کے کنگ خان کی بیٹی شاہ رخ خان کی بیٹی سہانا خان نے حال ہی میں علی باغ میں ایک بہت بڑی زمین کی خریداری کی ہے جو کہ ممبئی کے قریب ایک ساحلی شہر ہے۔

اس حوالے سے جاری ہونے والی رپورٹس کے مطابق اداکارہ سہانا خان نے ممبئی کے قریب واقع علی باغ میں ایک وسیع و عریض جائیداد خریدی ہے، جس کی قیمت تقریباً 10 کروڑ ہے۔

یہ بھی بتایا گیا ہے کہ سودے کے لیے 57 لاکھ روپے کی اسٹیمپ ڈیوٹی لگائی گئی تھی۔

اداکارہ کی جانب سے خریدی جانے والی جائیداد کے متعلق بات کی جائے تو اس کا پھیلاؤ 78,361 مربع فٹ ہے جس کا معاہدہ 13 فروری 2024 کو ہوا تھا۔

رپورٹس میں بتایا گیا ہے کہ یہ دوسری بار ہے کہ جب اداکارہ نے سمندر کے کنارے واقع قصبے میں جائیداد حاصل خریدی ہے۔

خیال رہے کہ جون 2023 میں، اداکارہ کی جانب سے ایک پراپرٹی خریدنے کی خبریں بہت زیادہ گردش کر رہی تھیں جسے 12.91 کروڑ روپے میں خریدا گیا تھا۔

دلچسپ بات یہ ہے کہ ایس آر کے بھی اسی جگہ پر ایک بنگلے کے مالک ہیں، جہاں وہ اکثر چھٹیاں گزارنے آتے ہیں۔