اروشی روٹیلا بالی وڈ کی نامور اداکارہ ، رقاصہ اور سپر ماڈل ہیں، جن کی کامیاب فلموں میں ”سنگھ صاحب دی گریٹ، لو ڈوز اور گریٹ گرینڈ مستی“ وغیرہ شامل ہیں۔

اروشی روٹیلا نے اپنے حالیہ انٹرویو میں شادی کے حوالے سے بات کرتے ہوئے کہاکہ   شادی بلاشبہ ایک خوبصورت احساس ہے، شادی پر مکمل یقین کرنا اور اس کا فیصلہ لیتے ہوئے یہ جان لینا کہ آپ اس کی مکمل ذمہ داری لیں گے لازمی ہے۔

انہوں نے شادی اور محبت کے حوالے سے کہا کہ ‘میرے خیال میں میرے لیے محبت ایک ایسی چیز ہے جو صرف ایک طرف سے نہیں ہوتی، اسے دونوں طرف سے ہونا چاہیے اور میرے لیے شادی بہت خوبصورت ہے’۔

انہوں نے کہا کہ ‘ ایک کامیاب رشتہ تب ہی بن سکتا ہے جب دو لوگ اپنے تمام تر اختلافات کو بھلا کر ایک دوسرے کی محبت میں گرفتار ہوجائیں ، ذمہ داری سے وہ اپنی زندگی ایک ساتھ گزاریں اور ایک دوسرے پر اعتماد بھی رکھیں۔

یہ بھی پڑھیں: نسیم شاہ اور اروشی روٹیلا ایک بار پھر سوشل میڈیا کی زینت بن گئے