بالی وڈ کے نامور اداکار، گلوکار اور میزبان آیوشمان کھرانہ بھی سوشل میڈیا پر وائرل ہونے والے پاکستانی گانے ’صدقے‘ کے دیوانے نکلے۔

بھارتی اداکار آیوشمان کھرانہ نے انسٹاگرام پر ایک کلپ پوسٹ کیا، جس میں دیکھا جا سکتا ہےکہ وہ مختلف ملبوسات کیلئے ماڈلنگ کررہے ہیں اور اس کلپ میں انہوں نے ابھرتے ہوئے نوجوان پاکستانی گلوکاروں عاشر اور نیل وجاہت کا گانا ’صدقے‘ بیک گراؤنڈ میں لگایا ہو اہے ، یہ گانا سوشل میڈیا صارفین میں کافی مقبول ہوا ہے ۔

واضح رہےکہ عاشر اور نیل وجاہت معروف پاکستانی ہدایت کار اور پروڈیوسر وجاہت رؤف کے بیٹے ہیں۔

عاشر وجاہت پیشے کے اعتبار سے ایک اداکار بھی ہیں جنہوں نے حال ہی میں سوشل میڈیا اسٹار رومیسہ خان کے ساتھ فلم میں بھی کام کیا ، اس کے علاوہ  وہ کراچی سے لاہور، چھلوا، لاہور سے اگے اور میں کوکو اور وہ میں بھی جلوہ گر ہوئے ہیں۔

موسیقی کی بات کی جائے تو انہوں نے صدقے گانے سے قبل یادیں، رانجھنا، چل چلیں کہاں،ساز دل، لے چلیں،خواب، کیوں، ناچ، تنہا، ٹوٹا تارا بھی گائے ہیں۔