پی ایس ایل 9 کے دوسرے روز کے میچ کے دوران ملتان اسٹیڈیم میں اداکارہ اور کرکٹر شعیب ملک کی اہلیہ ثنا جاوید توجہ کا مرکز بنی رہیں۔

پاکستان کی نامور اداکارہ ثنا جاوید نے پی ایس ایل کے میچ میں اپنے شوہر معروف آل راؤنڈر شعیب ملک کی حوصلہ افزائی کے لیے ملتان کرکٹ اسٹیڈیم میں خصوصی شرکت کی۔

سوشل میڈیا پر اداکارہ کی کئی ویڈیوز اور تصاویر وائرل ہورہی ہیں ، ان میں سے ایک  ویڈیو میں دیکھا جاسکتا ہے کہ ثناء جاوید جب اسٹیڈیم میں تشریف لائیں تو ان کی پشت پر بیٹھے ہوئے تماشائیوں نے ’ثانیہ مرزا‘ ( شعیب ملک کی پہلی اہلیہ ) کے نام کے با آوازِ بلند نعرے لگا کر ان کا استقبال کیا۔

آوازوں پر ردِعمل دیتے ہوئے ثناء جاوید نے غصے میں پیچھے مڑ کر ان تماشائیوں کی جانب بھی دیکھا لیکن اس کے باوجود نعروں کا شور تھم نہ سکا اور  وہ آگے بڑھ گئیں۔

واضح رہےکہ پاکستان سپر لیگ (پی ایس ایل) سیزن 9 میں کراچی کنگز کی نمائندگی کرنے والے شعیب ملک نے ملتان سلطانز کے خلاف میچ کے دوران شاندار کارکردگی کا مظاہرہ کیا۔

اپنی اہلیہ ثنا جاوید کی موجودگی میں شعیب ملک نے صرف 35 گیندوں پر 53 رنز بنا کر اپنی بہترین کارکردگی کا مظاہرہ کیا جس میں دو چھکے اور پانچ چوکے شامل تھے۔

اسٹیڈیم میں ان کی موجودگی شائقین کرکٹ کے لیے مسلسل باعثِ توجہ بنی رہی۔

پاکستان کرکٹ ٹیم کے سابق کپتان شعیب ملک شوبز انڈسٹری کی خوبرو اداکارہ ثناء جاوید سے دوسری شادی کے بعد اب تک سوشل میڈیا کی زینت بنے ہوئے ہیں۔

Advertisement
• ذرائع کا کہنا ہے کہ سابق بھارتی ٹینس اسٹار ثانیہ مرزا نے خود شعیب ملک سے خلع لی جبکہ سابق کپتان کے اداکارہ ثنا جاوید کے ساتھ معاملات ایک عرصے سے چل رہے تھے۔

شادی کی تصاویر دیکھیں: