آج کے دور میں بالوں کو الگ الگ طرح سے اور نئے رنگوں کے ساتھ اسٹائل کرنے کا فیشن ہے ایسے میں ایک نئے طریقے نے سوشل میڈیا صارفین کو حیران کردیا ہے۔

سوشل میڈیا پر وائرل ہونے والی کلپ میں ایک ہیئر اسٹائلسٹ کو غیر روایتی طریقہ استعمال کرتے ہوئے بال رنگتے ہوئے دیکھا جاسکتا ہے۔

راہول کلشیٹی نامی ہیئر اسٹائلسٹ نے بلیچ بالوں کو ٹون کرنے کے لیے سفید کپڑوں کے لئے استعمال کئے جانے والے ’نیل’ کا استعمال کرتے ہوئے دیکھا جاسکتا ہے۔

اس تجربے کے پیچھے خیال کو بیان کرتے ہوئے کلشیٹی بتاتے ہیں کہ اس کا اصل مقصد ان سامعین کے تجسس کو پورا کرنا تھا جنہوں نے اس طرح کے ٹرائل میں دلچسپی ظاہر کی تھی۔

سوشل میڈیا پر شیئر کئے جانے کے بعد سے اس ویڈیو کو 4.6 ملین سے زیادہ ویوز مل چکے ہیں جبکہ صارفین اس پر اپنی حیرانگی کا اظہار کرتے ہوئے بھی نظر آرہے ہیں۔

خیال رہے کہ پیشہ ور افراد عام طور پر غیر مطلوبہ پیلے رنگ کے ٹونز کو درست کرنے کے لیے خاص طور پر تیار کردہ ہیئر ٹونرز یا جامنی رنگ کے شیمپو پر انحصار کرتے ہیں، کیونکہ یہ مصنوعات بالوں کے لیے محفوظ ہونے کے لیے بنائی گئی ہیں۔