پاکستان شوبز انڈسٹری کی چلبلی، خوبرو اور شوخ وچنچل اداکارہ ہانیہ عامر نے اپنی 27 ویں سالگرہ خوب جوش و خروش سے منائی جس کے بعد وہ تنقید کی زد میں آگئیں۔

انسٹاگرام پر ہانیہ عامر کی بہترین دوست اور اداکارہ یشما گل نے اسٹوری اپڈیٹ کی جس میں انہیں کئی نامور شخصیات کے ہمراہ سالگرہ مناتے دیکھا گیا۔

سوشل میڈیا پر وائرل برتھ ڈے کے جشن کی ویڈیوز میں ہانیہ عامر کو روتے بھی دیکھا جا سکتا ہے۔

یشما گل نے اسٹوری اپڈیٹ کرتے ہوئے ہانیہ کو ٹیگ کیا اور لکھا کہ،’اپنے سب سے خاص دن پر ہانیہ کی آنکھوں میں یہ خوشی کے آنسو ہیں۔

سوشل میڈیا صارفین ہانیہ عامر کو اپنی سالگرہ کی پارٹی پر زیب تن کیے گئے مغربی بولڈ لباس ، انداز اور رقص  پر تنقید کا نشانہ بنا رہے ہیں۔

سالگرہ کے3  دن گزرنے کے بعد بھی ہانیہ عامر کی مختلف مقامات پر برتھ ڈے پارٹی کا نہ تھمنے والا سلسلہ جاری و ساری ہے۔