پاکستان شوبز انڈسٹری کی چلبلی ، خوبرو اور شوخ وچنچل اداکارہ ہانیہ عامر نے اپنی 27 ویں سالگرہ خوب جوش و خروش سے منائی۔

انسٹاگرام پر ہانیہ عامر کی بہترین دوست اور اداکارہ یشما گل نے اسٹوری اپڈیٹ کی جس میں انہیں کئی نامور شخصیات کے ہمراہ سالگرہ مناتے دیکھا گیا۔

اس موقع پر نامور بھارتی گلو کار ، ریپر اور  میوزک کمپوزر بادشاہ نے بھی اپنے انسٹاگرام کی اسٹوری میں ہانیہ عامر کے ساتھ لی گئی ایک تصویر پوسٹ کی اور ساتھ ہی لکھا ’جنم دن مبارک‘ ۔

سوشل میڈیا پر وائرل برتھ ڈے کے جشن کی ویڈیوز میں ہانیہ عامر کو روتے بھی دیکھا جا سکتا ہے۔

یشما گل نے اسٹوری اپڈیٹ کرتے ہوئے ہانیہ کو ٹیگ کیا اور لکھا کہ،’اپنے سب سے خاص دن پر ہانیہ کی آنکھوں میں یہ خوشی کے آنسو ہیں۔

سالگرہ کے دو دن گزرنے کے بعد بھی ہانیہ عامر کی مختلف مقامات پر برتھ ڈے پارٹی کا نہ تھمنے والا سلسلہ جاری ہے۔