نامور یوٹیوبر ڈکی بھائی اپنی اہلیہ کو 15 لاکھ روپے کا پرس گفٹ کرنے کے بعد ٹرولنگ کا شکار ہوگئے ہیں۔

ڈکی بھائی ، جن کا اصل نام سعد الرحمان ہے، کسی تعریف کے محتاج نہیں، ان کے یوٹیوب چینل پر 6 ملین سے زائد سبسکرائبر ہیں اور وہ اپنے گیمنگ چینل ڈکی ایکسٹرا کے لیے بھی جانے جاتے ہیں ۔

ویسے ڈکی بھائی اکثر تنازعات کی زد میں بھی رہتے ہیں ، مگر پھر بھی اپنے مداحوں کے پسندیدہ وی لاگر ہیں۔

ڈکی بھائی کے حالیہ وی لاگ کا ایک کلپ سوشل میڈیا پر گردش کر رہا ہے جس میں وہ ایک مہنگا ترین بیگ اپنی اہلیہ عروب جتوئی کو بطور تحفہ دے رہے ہیں۔

ڈکی بھائی کی جانب سے عروب جتوئی کو دیے گئے بیگ کی قیمت تقریباً 15 لاکھ پاکستانی روپے ہے۔

 سوشل میڈیا صارفین کی جانب ان پر بے پناہ تنقید کی جارہی ہے، ایک صارف نے لکھا ’انہیں معلوم ہونا چاہیے کہ ایسی چیزوں پر خرچ کرنا کوئی اچھی بات نہیں ہے۔‘ ایک اور صارف نے کہا کہ اتنے مہنگے برانڈز پر اپنا سارا پیسہ خرچ کرنا ایک مشکل کام ہے۔

ایک صارف نے یہ بھی لکھا کہ اسے شرم سے ڈوب مرنا چاہیے، فلسطین میں لوگ مر رہے ہیں، اور یہ ایسے برانڈز خرید رہے ہے جو اسرائیل کی حمایت کرتے ہیں۔