بالی وڈ کے سپراسٹار ہریتک روشن کی بلاک بسٹر فلم سیریز ’کرش‘ کے چوتھے حصے کے حوالے سے اہم اعلان کردیا گیا ہے۔

ہریتک روشن کی 2006 میں بننے والی فلم ’کرش‘ 2003 کی کامیاب فلم ’کوئی مل گیا‘ کا سیکوئل تھی ، اس کے بعد ’کرش 3’ بھی آئی اور چھا گئی۔

اس سیریز کی ان تمام فلموں میں ہریتک روشن نے ایک سپر ہیرو کا کردار ادا کیا، جس کے بعد بالی وڈ میں سپر ہیروز پر مبنی فلمیں بننے کا رجحان شروع ہوا۔

ہریتک روشن نے حال ہی میں اپنی فلم فائٹر کی تشہیری مہم کے دوران دئیے گئے ایک انٹرویو میں ’کرش 4’ کے حوالے سے بھی اہم اعلان کردیا۔

’انہوں نے کہاکہ کرش 4 کے موضوع پر جلد بات ہوگی اس پر کام جاری ہے لیکن اتنا جان لیں کہ فلم مشکل ہے اس کے لیے آپ سب کو مزید انتظار کرنا پڑے گاکیونکہ کچھ معاملات طے ہونا باقی ہیں۔