اپنی مضحکہ خیز گلوکاری کی وجہ سے رات ورات شہرت حاصل کرنے والے شوقیہ گلوکار چاہت فتح علی خان نے پی ایس ایل کی دنیا میں بھی انٹری دے دی ہے۔

گزشتہ سال چاہت فتح علی خان پی ایس ایل 8 کےلئے ’یہ جو پیارا پی ایس ایل‘ گانا گانے کے بعد سوشل میڈیا صارفین کی کافی حد تک توجہ حاصل کرنے میں کامیاب ہوئے تھے اور اب تک خبروں کی زینت بن رہے ہیں۔

گزشتہ روز انہوں نے پی ایس ایل سیزن 9  کے لئے بھی ایک گانا سوشل میڈیا پر جاری کر دیا ہے ، جس پر صارفین کی جانب سے ملے جلے تبصرے آرہے ہیں۔

گلوکار چاہت فتح علی خان نے اپنے ایکس اکاؤنٹ پر 2 منٹ 19 سیکنڈز دورانیے پر مشتمل’’پی ایس ایل‘‘9 کا یہ گانا جاری کیا۔ جس کا نام ’’ہم تم ایک کمرے میں بند ہوں، پھر لاہور قلندرز کا میچ ہو‘‘ ہے۔

گانا دیکھیں:

 یہ بھی پڑھیں: ’یہ جو پیارا پی ایس ایل‘ گانے کے گلوکار چاہت فتح علی خان کون ہیں؟

اس سے قبل چاہت فتح علی خان نے سوشل میڈیا پر اپنی ایک ویڈیو پوسٹ کرتے ہوئے کہا کہ ’کوئی بھی میرا اسٹائل کاپی کرنے کی کوشش بھی نہیں کرسکتا‘۔

ان کے اس بیان پر سوشل میڈیا پر ایک طوفان برپا ہو گیا تھا اور صارفین نے ان پر کافی تنقید بھی کی۔