بالی وڈ کی نئی آنے والی فلم ’کریک‘ کا ٹریلر ریلیز کر دیا گیا ہے، جوآتے ہی چھا گیا۔

ایکشن اور سسپنس سے بھرپور یہ فلم 23 فروری کو ریلیز کی جائے گی، جس میں اداکارہ نورا فاتحی ، نامور ایکشن ہیرو ودیوت جموال ، ارجن رامپال جلوہ گر ہوں گے۔

پاکستان شوبزانڈسٹری کے نامور گلوکار اور اداکار علی ظفر کے مشہور گانے ’جھوم‘ کو بھی اس فلم میں  نئے انداز میں بنا کر پیش کیا گیا ہے۔

فلم کا ٹریلر:

ٹی سیریز نے اپنے ’ایکس‘ اکاؤنٹ پر بھی اس گانے کو شیئر کیا جسے علی ظفر نے اپنے ’ایکس‘ ہینڈل پر ری شیئر کرتے ہوئے لکھا کہ ’ بہت عمدہ، مجھے یہ پسند آیا‘۔

Good stuff. I like it. #DilJhoom #Jhoom https://www.bolnews.com/urdu/entertainment/2024/02/749799/amp/

— Ali Zafar (@AliZafarsays) January 15, 2024

بالی وڈ فلم “کریک” کے لیے علی ظفر کا یہ گانا نامور بھارتی گلوکارہ شریا گھوشال اور گلوکار وشال مشرا کی آواز میں ریکارڈ کیا گیا ہے۔

دل جھوم بھارتی ورژن :

بھارتی گلوکارہ شریا گھوشال کا اس حوالے سے کہنا ہے کہ وہ ہمیشہ سے علی ظفر کی بڑی مداح رہی ہیں اور ان کا گانا ”جھوم” ان کے دل کے قریب رہا ہے۔

علی ظفر کا کہنا ہےکہ وہ شریا گھوشال کے خوبصورت الفاظ کے مشکورہیں ، وہ دورہ حاضر کی سب سے زبردست گلوکارہ ہیں۔

انہوں نے مزید کہا کہ شریا گھوشال کی آواز میں اپنے گیت ” جھوم” کا بے صبری سے انتظار ہے اور انہیں مکمل یقین ہے کہ دونوں گلوکار ” جھوم” گانے سے انصاف کریں گے۔

علی ظفر کا جھوم: