پاکستان شوبز انڈسٹری کی نامور خوبرو اداکارہ کنزہ ہاشمی کی کچھ تصاویر سوشل میڈیا پر کافی وائرل ہو رہی ہیں، جس میں انہوں نے سرخ پھولوں کا گلدستہ پکڑا ہوا ہے۔

اداکارہ نے انسٹا گرام  پر محبت اور رومانس کی ترجمانی کرتا یہ فوٹو شوٹ پوسٹ کیا ، جس میں دیکھا جا سکتا ہےکہ انہوں نے سرخ لباس اور پھولوں کا انتخاب کر کے ویلنٹائن کو خوش آمدید کہا ہے۔

 کنزہ ہاشمی کا یہ فوٹو شوٹ نا صرف کافی پسند کیا جا رہا ہے کہ بلکہ لاکھوں مداحوں نے ان سے محبت کا اظہار بھی کیا۔

حال ہی میں سوشل میڈیا پر کنزہ ہاشمی کی چند پرانی تصویریں کافی وائرل ہوئیں ، جن میں دیکھا جا سکتا ہےکہ اُن کا وزن بڑھا ہوا اور رنگت سانولی ہے جبکہ اب وہ کافی تبدیل ہو گئی ہیں۔

2014 میں اپنے کیریئر کا آغاز کرنے والی کنزہ ہاشمی متعدد ٹیلی ویژن اشتہارات اور ڈرامہ سیریل سے مقبولیت حاصل کرکے پہچان بنا چکی ہیں۔

اداکارہ کی اس پرانی تصویر کی پوسٹ پر سوشل میڈیا صارفین کی جانب سے ملے جلے تبصروں اور ردعمل کا اظہار کیا جا رہا ہے۔

ایسا لگتا ہے کہ اکثریت کنزہ ہاشمی کی اس تصویر سے متاثر نہیں ہوئی، پرستاروں کا کہنا ہےکہ یہ سب پیسے کا جادو ہے۔

 ان کی پرانی تصاویر نے مداحوں کو یہ سوچنے پر مجبور کردیا ہےکہ کوئی بھی بدصورت نہیں ہے ہر ایک کو کچھ پیسوں کی ضرورت ہے اور وہ بالکل بدل جائے گا۔

کنزہ ہاشمی نے 2017 میں اپنے ڈرامہ سنگسر سے مقبولیت حاصل کی،اس کے بعد وہ ڈرامہ دلدل میں نظر آئیں اور مداحوں نے ان کی اداکاری کو پسند کیا۔