بالی ووڈ کی معروف اداکارہ کنگنا رناوت نے انڈسٹری میں ‘غیر قانونی چیزوں’ کے متعلق چونکا دینے والا انکشافات کئے ہیں ۔

غیر ملکی خبر رساں ادارے کی رپورٹ کے مطابق کنگنا رناوت نے کہا کہ بالی ووڈ میں کچھ معروف شخصیات لوگوں کے ای میلز اور واٹس ایپ کو ہیک کرنے کے لیے ڈارک ویب کا استعمال کرتے ہیں۔

اداکارہ نے اپنے انسٹاگرام پر ایک اسٹوری کے ذریعے ایک اہم انکشاف کرتے ہوئے الزام عائد کیا ہے کہ “مقبول فلمی شخصیات” لوگوں کی کمیونیکیشن ایپس  کو ہیک کرنے کے لیے ڈارک ویب کا استعمال کرتی ہیں۔

واضح رہے کہ جولائی 2023 میں کنگنا نے دعویٰ کیا تھا کہ ‘فلم مافیا’ نے ان کے اکاؤنٹس ہیک کر لیے ہیں اور ساتھ ہی یہ الزام بھی عائد کیا تھا کہ ‘فلم مافیا’ ہمیشہ ‘مجرمانہ’ سرگرمیوں میں ملوث رہا ہے۔

خیال رہے کہ کنگنا رناوت جلد ہی ایمرجنسی میں اندرا گاندھی کا کردار ادا کرتی نظر آئیں گی۔ اس فلم میں نہ صرف کنگنا کو مرکزی کردار میں دیکھا گیا ہے بلکہ وہ بطور ہدایت کار بھی ہیں۔

اداکارہ کو مبینہ طور پر وشنو مانچو اسٹارر کناپا کے لیے بھی شامل کیا گیا ہے جس میں پربھاس بھگوان شیو کا کردار ادا کرنے کے لیے تیار ہیں جبکہ وشنو منچو ان کے عقیدت مند کا کردار ادا کریں گے۔