بالی وڈ کے نامور اداکار شاہد کپور اور کریتی سینن کی نئی کامیڈی ڈرامہ فلم ‘تیری باتوں میں ایسا الجھا جیا’ کا نیا گانا آتے ہی چھا گیا۔

گزشتہ ہفتے ریلیز ہونے والی یہ فلم شائقین کو کافی پسند آ ئی ہے، جس میں ہیروئن کریتی سینن ایک روبوٹ کا کردار ادا کر رہی ہیں اور شاہد کپور اس کی محبت میں گرفتار ہوجاتے ہیں۔

فلم کی ریلیز کے بعد شائقین کی پسند کو مد نظر رکھتے ہوئے اس کا یہ گانا بھی ریلیز کیا گیا ہے۔

اس فلم کا ٹائٹل سونگ بھی سوشل میڈیا پر کافی وائرل ہے، جس میں دیکھا جا سکتا ہے کہ شاہد کپور اس خوبصورت روبوٹ کو نا صرف دل دے بیٹھے بلکہ اس کی باتوں میں بھی الجھ گئے ہیں۔

ٹائٹل سونگ دیکھیں:

ٹریلر دیکھیں:

اس سے قبل فلم کا پہلا گانا ‘لال پیلی انکھیاں’ ریلیز کیا گیا تھا، اس گانے میں شاہد کپور اپنے روایتی پرجوش لٹکے جھٹکوں سے ڈانس فلور پر آگ لگاتے نظر آرہے ہیں جوکہ کافی پسند کیا جا رہا ہے۔

اس فلم میں شاہد کپور کے مدمقابل کریتی سینن مرکزی کردار میں نظر آئیں گی، جبکہ دیگر کاسٹ میں دھرمیندر اور ڈمپل کپاڈیہ بھی شامل ہیں۔

 محبت کی کہانی پر مبنی یہ فلم ویلنٹائن ویک پر 9 فروری 2024 کو سینما گھروں کی زینت بنے گی۔

لال پیلی انکھیاں دیکھیں:

یہاں یہ بات قابل ذکر ہے کہ شاہد کپور کے چاہنے والے کئی سالوں سے ان کی الیکٹریفائنگ ڈانس پرفارمنس دیکھنے کے لئے بے تاب تھے اور اب بالآخر انہوں نے اس گانے میں سب کی خواہش پوری کر دی۔