آننت امبانی اور رادھیکا مرچنٹ کی شادی سے پہلے کی تقریبات اس وقت سوشل میڈیا پر بہت زیادہ ٹرینڈ کر رہی ہیں جس کا آغاز 1 مارچ 2024 کو جام نگر، گجرات میں شروع ہوا اور 3 مارچ 2024 تک جاری رہا۔

اس دوران شادی سے پہلے کی تقریبات میں رنبیر کپور، عالیہ بھٹ، دیپیکا پڈوکون اور رنویر سنگھ سمیت بالی ووڈ کی کئی مشہور شخصیات نے پرفارم کیا، لیکن جس چیز نے سب کی توجہ اپنی طرف کھینچ لی وہ شاہ رخ خان، عامر خان اور سلمان خان کا ایک ساتھ ڈانس کرنا تھا، جو کہ چرچا کا باعث بنا رہا۔

تینوں خانز نے کبھی کسی فلم میں ایک ساتھ کام نہیں کیا اور اس حوالے سے شاہ رخ کی ایک پرانی ویڈیو منظر عام پر آئی ہے جو کہ سال 2013 میں ان کے ہونے والے انٹرویو کی ہے۔

اس ویڈیو میں شاہ رخ خان کو تینوں خانز کے ایک ساتھ کام کرنے حوالے سے بات کرتے ہوئے سنا جاسکتا ہے ۔

انٹرویو کے شاہ رخ خان کو عامر اور سلمان کے ساتھ کام کرنے کے بارے میں پوچھا گیا تھا، اس پر اداکار نے جواب دیتے ہوئے کہا، ’’آپ برداشت کر سکوں تو آفر کردو۔ بیٹا، چڈی بنیان بک جائے گی تینوں کو سائن کرتے ہیں‘‘۔