آنجہانی اداکارہ مدھوبالا کی بائیوپک کا باقاعدہ اعلان جمعہ 15 مارچ کو کیا گیا ہے جس کی ہدایتکاری ‘ڈارلنگ’ کے ڈائریکٹر جسمیت کے رین کریں گے۔

میڈیا رپورٹس کے مطابق ہندی فلموں کی آنجہانی اداکارہ مدھوبالا کی بایوپک کا اعلان سونی پکچرز نے اپنے انسٹاگرام اکاؤنٹ کے ذریعے باضابطہ طور پر کر دیا ہے۔

ہدایتکار جسمیت کے رین، جو اپنے فلم ڈارلنگز کی ہدایت کاری کے لیے مشہور ہیں، اس فلم کی ہدایت کاری کریں گے۔ سونی پکچرز انٹرنیشنل پروڈکشنز اور بریونگ تھیٹس پرائیویٹ لمیٹڈ اس فلم کی بینکرولنگ اور تقسیم کریں گے، جسے مدھوبالا وینچرز کے بینر تلے مدھوبالا کی بہن مدھور بھوشن شریک پروڈیوس کریں گے۔

خیال رہے کہ اس سے قبل یہ خبریں تھیں کہ ڈیزائنر منیش ملہوترا مدھوبالا پر فلم بنانے کا منصوبہ بنا رہے تھے جس کے بعد 2022 میں، مدھوبالا کے خاندان نے آنجہانی اداکار پر کسی بھی بایوپک سے متعلق افواہوں کی تردید بھی کی تھی۔