بھارتی اداکار رندیپ ہوڈا، جو اپنی آنے والی فلم ‘سواتنتریہ ویر ساورکر’ کی ریلیز کی کے لیے تیار ہیں اور اسی فلم سے وہ بطور ہدایتکار بھی ڈیبیو کر رہے ہیں۔

حال ہی میں اداکار نے فلم میں اپنے کردار کو حقیقی روپ دینے کے لئے اپنا حیران کن نیا انداز اپنے سوشل میڈیا اکاؤنٹ پر شیئر کیا ہے۔

اداکار نے فلم کے سیٹ سے ایک تصویر پوسٹ کی اور اپنے مداحوں کو فلم کے لیے اپنے کردار کی جھلک دیکھائی ہے جس میں وہ اس فلم میں آزادی پسند ونائک دامودر ساورکر کا کردار ادا کر رہے ہیں۔

تصویر میں، رندیپ کو انتہائی دبلا پتلا دیکھا جا سکتا ہے، بڑے سائز کے شارٹس پہنے ہوئے ہیں اور کیپشن میں انہوں نے لکھا، ’’کالا پانی‘‘۔ بظاہر یہ تصویر اس وقت لی گئی تھی جب وہ جیل کے سین کی شوٹنگ کر رہے تھے۔

مداحوں نے تصویر پر ردعمل کا اظہار کیا اور رندیپ ہوڈا کی لگن اور محنت کی تعریف کی۔ بہت سے مداحوں نے انہیں ‘کرسچن بیل آف بالی ووڈ’ اور ‘انڈین کرسچن بیل’ بھی کہا جبکہ کئی مشہور شخصیات نے بھی ان کی تعریف کی ہے۔

خیال رہے کہ’سواتنتر ویر ساورکر’ ریدیپ ہوڈا کی بطور ہدایت کار پہلی فلم ہے اور 22 مارچ کو ریلیز ہونے والی ہے۔

اس فلم کو زی اسٹوڈیوز، آنند پنڈت، سندیپ سنگھ، رندیپ ہوڈا اور یوگیش رہڑ نے پروڈیوس کیا ہے۔ اسے روپا پنڈت، سیم خان، انور علی، اور پنچالی چکرورتی نے مشترکہ طور پر پروڈیوس کیا ہے۔ فلم میں رندیپ ہوڈا، انکیتا لوکھنڈے اور امیت سیال شامل ہیں جسے دو زبانوں ہندی اور مراٹھی میں ریلیز کیا جائے گا۔