بالی ووڈ فلم انڈسٹری کی مشہور و معروف اداکارہ سارہ علی خان نے کہا ہے کہ اپنی والدہ کے لیے باعثِ فخر بننا میری زندگی کا مقصد ہے۔

حال ہی میں بھارتی میڈیا سے گفتگو کرتے ہوئے اداکارہ سارہ علی خان کا کہنا تھا کہ فلموں میں پرفارمنس کے حوالے سے اپنی والدہ کے لیے باعثِ فخر بننا ان کی زندگی کا مقصد ہے۔

انہوں نے کہا کہ وہ اپنے بھائی ابراہیم کو متاثر کرنا چاہتی ہیں کیونکہ ابراہیم نے میری فلم ذرا ہٹ کے ذرا بچ کے، کو دیکھنے کے بعد مجھ سے کہا تھا کہ آپا جان مجھے آپ پر فخر ہے۔

ان کا کہنا تھا کہ ابراہیم جب کہتا ہے کہ میری بہن کا گانا اچھا ہے اور پھر وہ تنہا ایک ٹریلر کے بعد دوسرے ٹریلر کو دیکھتا اور خوش ہوتا ہے۔

سارہ علی خان نے کہا کہ پھر جب میں خود کسی فلم کو دیکھتی ہوں جیسے مذکورہ فلم ہے تو پھر مجھے اپنے کام کی توثیق محسوس ہوتی ہے۔

اداکارہ کا کہنا تھا کہ انہیں فلم سمبا اور کیدرناتھ کے بعد پہلے ہی عوامی پذیرائی مل گئی تھی لیکن اپنی جانب سے میں خود کی توثیق نہیں کر پا رہی تھی۔ اب تعریف کی میں بھوکی ہوگئی ہوں کیونکہ درمیانی عرصے میں یہ کہیں گم ہو گیا تھا جو اب مل رہا ہے۔